豊勝手丼 (已搬遷) 新店位置

之前夏天去食，讲过话冬天要来食蟹丼，我二话不说就叫了北海蟹丼，朋友好爱海胆，又想食鱼生，所以叫了五品丼北海蟹丼 $198喜欢蟹嘅朋友一定唔可以放过，大大碗，有松叶蟹肉、松叶蟹脚、松叶蟹钳、味噌蟹羔同蟹籽，好似食咗成只蟹咁，啖啖肉，又食得干净，松叶蟹肉好鲜甜，蟹脚同蟹钳各两只，已经处理好哂，啖啖肉，新鲜得来仲带有小小海水嘅味道，至于个味噌蟹羔，我建议留番最尾食，味比较浓，令鲜味更出，仲一啲都唔腥，加埋啲蟹籽捞饭一流五品丼 $268五品嘅五品即系三文鱼、油甘鱼、赤虾、活带子同日本海胆，三文鱼鱼肥美，油金鱼粉红嫩滑，,肉质厚实甘甜，赤虾比手指还要粗，还要长，弹牙嫩滑多胶质，虾头仲有好多膏，厚厚嘅两片带子，中间夹著柠檬片，感觉清新，鲜甜无比，至于个海胆，味道浓郁，入口即溶，仲留有余香，加埋饭其实都几饱呢间小店，座位唔多，有四组枱，每组可以坐4-5人，全店可以坐16-20人，值得一提嘅系佢所采用嘅米系日本米，米身短，较香绵密，米粒光泽、圆润饱满有饭香，仲可以添食，而个味噌汤都好足料，有白萝卜、海带同豆腐