影片
更多
2022-05-11
423 浏览
晚市终于开返，可以出街食饭！特登同妹妹book咗铁板烧。呢间餐厅门口已经好有格调，好钟意佢嘅装修风格，好有高级日式感！铁板烧分别有两个套餐，我哋选择咗槐套餐。前菜系昆布豆腐，沙律配芝麻沙律汁。沙律入面有好多款不同嘅蔬菜，全部都好新鲜，配埋芝麻汁，酸酸甜甜好开胃！呢个套餐入面有鲍鱼，帆立贝，马友鱼同埋鹿儿岛和牛，全部都系我好钟意食嘅嘢！澳洲鲍鱼超大只，好新鲜，师傅将鲍鱼煮成两食，首先将舞茸菇切碎然后炸，再将鲍鱼薄切配紫菜汁，味道好丰富，配埋舞茸菇一齐食，好有口感！然后厚切鲍鱼，就用牛油同酱油做酱汁，食鲍鱼嘅原味，一次过可以食到两种唔同嘅感觉，好满足。帆立贝好大只，用日本高汤去煮，最特别嘅系仲有膏，第一次食，感觉好新鲜！入面仲有杂菇同埋裙边，最后师傅配上食用菊花同鱼子酱喺上面，好睇又好食！鱼方面今日我哋食嘅系本地马友，师傅先将鱼皮用炸嘅做法，然后鱼肉就系用蒸焗嘅做法，个种味道系想像唔到嘅咁好食！个皮好香脆，鱼肉好鲜嫩，另外鱼肉用昆布腌渍过，所以煮嘅时候唔需要加任何调味料，已经好够味。酱汁方面用咗柚子酸汁同紫菜粉，食完之后仲可以食旁边嘅龙珠果清味蕾，好贴心！马来西亚草虾原来系咁大只！师傅刀工
特登同妹妹book咗铁板烧。
呢间餐厅门口已经好有格调，好钟意佢嘅装修风格，好有高级日式感！
铁板烧分别有两个套餐，我哋选择咗槐套餐。
前菜系昆布豆腐，沙律配芝麻沙律汁。
沙律入面有好多款不同嘅蔬菜，全部都好新鲜，配埋芝麻汁，酸酸甜甜好开胃！
呢个套餐入面有鲍鱼，帆立贝，马友鱼同埋鹿儿岛和牛，全部都系我好钟意食嘅嘢！
澳洲鲍鱼超大只，好新鲜，师傅将鲍鱼煮成两食，首先将舞茸菇切碎然后炸，再将鲍鱼薄切配紫菜汁，味道好丰富，配埋舞茸菇一齐食，好有口感！然后厚切鲍鱼，就用牛油同酱油做酱汁，食鲍鱼嘅原味，一次过可以食到两种唔同嘅感觉，好满足。
帆立贝好大只，用日本高汤去煮，最特别嘅系仲有膏，第一次食，感觉好新鲜！入面仲有杂菇同埋裙边，最后师傅配上食用菊花同鱼子酱喺上面，好睇又好食！
鱼方面今日我哋食嘅系本地马友，师傅先将鱼皮用炸嘅做法，然后鱼肉就系用蒸焗嘅做法，个种味道系想像唔到嘅咁好食！个皮好香脆，鱼肉好鲜嫩，另外鱼肉用昆布腌渍过，所以煮嘅时候唔需要加任何调味料，已经好够味。酱汁方面用咗柚子酸汁同紫菜粉，食完之后仲可以食旁边嘅龙珠果清味蕾，好贴心！
马来西亚草虾原来系咁大只！
师傅刀工好好，好快咁就将下册件，然后用虾头嘅虾膏煮成酱汁，鲜味浓郁，虾肉好结实而且有弹性，冇谂过咁大只虾肉质竟然会咁好食，再配上日本青椒仔，系完美嘅配搭。
最后系食鹿儿岛和牛，师傅建议七成熟，因为唔会好油，而且食落去会好有油香。
最后炒饭用咗九州蛋同宫崎县烟肉，简直系日本版嘅黯然销魂饭，虽然好饱，但系我都坚持食晒佢，因为真系太好食😋
最后食埋炒杂菜同饮汤，已经非常非常饱，但系仲有甜品。
首先食咗静冈蜜瓜，蜜瓜好鲜甜，然后师傅用焦糖整咗一个面包出嚟，再配上拔丝，卖相好靓！整体来讲，今餐饭无可挑剔，店员服务好细心，师傅都好用心咁样煮嘢食同埋讲解俾我哋听，服务同埋食物质素都一流！
张贴
