Texas Burger (已結業)

又到旺角，沿住朗豪坊中庭两条长电梯，左手边就见到Texas Burger，Texas Burger算系我喺香港食咁多汉堡嚟讲算系最出色，环境因为限聚令而有好多胶板顶住视线。入返正题，今次叫咗蓝芝士汉堡套餐配饮黑牛。.蓝芝士汉堡评分：🌟🌟🌟🌟🌟一个字：出色。成个汉堡又高又大，放弃咗用手而用刀叉进食。(懒系嘢)佢啲蓝芝士系几香而且几好味，另外，佢哋嘅汉堡肉都几厚，而且煎得Juicy亦唔会太熟，啲肉唔会太干太嚡。.薯条评分：🌟🌟🌟合格分数嘅薯条，薯条唔太热，唔太脆同唔太厚肉。.酸瓜评分：🌟🌟🌟传统美式，有旧酸瓜咬，但可能唔系浸太耐，冇乜酸味，喺咁浓味嘅食物唔太突出。.黑牛评分：🌟🌟🌟🌟🌟首先黑牛唔系度度有得饮，牛奶雪糕配可乐，雪糕里面嘅成份可以增加可乐里面嘅二氧化碳，而致有好多汽，所以饮黑牛好爽。