好到底麵家

营业中

休息中

屹立元朗超过半世纪嘅诚意面家曾有报章选出十大云吞面家，好到底不入十大，觉得有点意外，但后来谂番转头，不入系应该嘅，好到底的面及汤底做法及用料上都有点另类，并非一般云呑面嘅味道。她不用跟别家争什么排名，不是第一，而是唯一！今次食左个水饺面加底同埋虾子罗白水饺面卖相正宗，饺摆底面放面头，等面冇咁快吸左啲而变焾，我为左影倒啲饺，所以夹左喺面。佢地嘅水饺皮并唔系用面粉造，而系用鱼肉做嘅，即系我哋讲嘅燕皮，但佢又同中国嘅燕皮饺唔同，唔系净系用猪肉，而系广东水饺嘅饀，即系笋丝、猪肉、虾、大地鱼粉、虾子同埋冬菇系嘅。鱼皮今到食落口比其他面铺嘅出品多左一啲鱼嘅鲜。呢个系佢嘅其中一个唯一。第二个数嘅唯一，系汤底，我完全感觉唔倒佢地有用虾壳𤉶汤，其他面铺用虾壳𤉶汤基乎系必然做法，咁做汤底会多左鲜味。但我估计好到底嘅汤有放大量嘅猪骨，为左保留骨香，唔想放虾壳抢味。除猪骨外，靓面汤当然有大地鱼啦，汤内亦有烧过嘅大地鱼味道。第三个唯一系面，基乎全港卖云呑面嘅都用生面，即系渌起左半透明有啲似橡筋个种面，生面碱水味会多少少，造得唔好嘅食时仲要用大量醋先盖倒碱味。好到底就用佢地自家制嘅面，口感同喺佢度买嘅干面差不多，