鬍鬚仔 (已結業)

今晚行过长发街市, 见到呢档个门口竟然有几个人等紧外卖!好少见街市入面卖汉堡, 一于试下"四重芝士牛肉"同"至尊牛肉"先。拣左餐, 分别跟炸洋葱圈同炸鸡翼。拎到番屋企, 老公一见到个包已经话唔系cheap 野。哈哈! 跟住佢已急不及待食洋葱圈。买完外卖我仲要搭车先番到去, 但因为食物系即叫即整既关系, 拎到番屋企洋葱圈仲脆! 炸鸡翼好鬼香, 香到我搭车时都觉得好大阵炸鸡翼味, 外面够脆, 入面够味。跟住讲两个汉堡包, 个包唔系平时快餐店用嘉顿果只芝麻汉堡包, 系大只好多同松软既。牛肉几厚下, 食落去系近乎全熟而有d 肉汁既! 见到块肉, 已经觉得值回票价!"四重芝士"系一大pat 芝士酱, 其实我分唔到系边只芝士, 只系觉得有好浓既cheddar cheese 咋, 哈! 呢个芝士酱, 只味好似当年哈迪斯个牛仔芝堡呀! (唔小心出卖年龄系列)"至尊"系我同老公既favorite! 入面有香口既烟肉, 炸洋葱圈, 蕃茄, 生菜, 蜜糖芥末酱, 加埋够份量既牛肉, 好好味! 系一口入面食到有唔同既口感! 我同老公都觉得呢个包好正!呢间值得encore 呀!