富良野日式拉麵 (已結業)

今日因为工作嘅关系，落左天后，午餐亦喺呢头解决，电气道食店林立，但系因为时间唔容许，所以见到呢间食店门面几企理，就谂都无谂坐低左，佢地选择唔多，好快已经决定叫左个猪软骨地狱汤乌冬，同事就要拉面，侍应小姐落单后即刻"跑"去入单，哗！好似打仗，但当时食客唔多。五分钟后，侍应小姐送上我地嘅乌冬同拉面，饮左一啖汤，感觉油淋淋，亦因为咁，乌冬食落好滑，亦好”漏”，至于猪软骨，唔知系咪配菜有腌青瓜嘅关系，食落好似”缩缩地”。同事食得快，侍应小姐见佢一食完，即刻收左佢嘅碗筷，但我只食到一半，当时亦未满座，真系好耐无遇过咁嘅服务喇！