影片
更多
2018-05-22
1974 浏览
俾宣传单张吸引左, 想试吓$108 半只嘅皇子乳猪.落单5分钟后乳猪就上枱, 有少少打左个突. 话就话半只乳猪, 数埋得九件, 每件大约1吋乘3吋. 乳猪件底部嘅骨, 同埋猪肉横切的形状, 告䜣我佢本身并不是一只BB猪, 所以上枱嘅可能只得八份一只猪或更少. 本来预左一定唔会有半只, 但冇预计会咁款. 唔够喉于是想食埋个猪头, 点知原来系装饰, 冻同埋D皮系咬唔开, 唯有放弃. 个猪头俾我咬过, 希望个厨睇到, 唔会再用返. 乳猪件下面有腊味炒饭, 唔似系糯米, 同埋似系一早炒好晒放在饭煲内备用𠮶种.食左优惠价乳猪就不能再有其它优惠. 打开个正价餐牌, 炒碟通菜都$98, 有肉嘅就$128起, 我呢条cheap 友即刻眼都突埋. 上左黎都冇办法, 求其叫两味填肚: 鲮鱼球生菜豆腐煲, 古法京都骨, 同是$128. 生菜煲嘅生菜很爽口, 豆腐算滑,. 鲮鱼球约有十一二粒, 大粒墨鱼丸 size, 但冇乜鲮鱼味兼味道有点另类, 汤底算几好, 冇味精同几大煲, 叫做及格.古法京都骨系用大条嘅一字骨斩件, 骨多过肉, 肉质偏硬, 似炸过笼或者系返炸, 有少少惊食到甩牙. 最好味反而系用黎打芡嘅
落单5分钟后乳猪就上枱, 有少少打左个突. 话就话半只乳猪, 数埋得九件, 每件大约1吋乘3吋. 乳猪件底部嘅骨, 同埋猪肉横切的形状, 告䜣我佢本身并不是一只BB猪, 所以上枱嘅可能只得八份一只猪或更少. 本来预左一定唔会有半只, 但冇预计会咁款. 唔够喉于是想食埋个猪头, 点知原来系装饰, 冻同埋D皮系咬唔开, 唯有放弃. 个猪头俾我咬过, 希望个厨睇到, 唔会再用返. 乳猪件下面有腊味炒饭, 唔似系糯米, 同埋似系一早炒好晒放在饭煲内备用𠮶种.
食左优惠价乳猪就不能再有其它优惠. 打开个正价餐牌, 炒碟通菜都$98, 有肉嘅就$128起, 我呢条cheap 友即刻眼都突埋. 上左黎都冇办法, 求其叫两味填肚: 鲮鱼球生菜豆腐煲, 古法京都骨, 同是$128. 生菜煲嘅生菜很爽口, 豆腐算滑,. 鲮鱼球约有十一二粒, 大粒墨鱼丸 size, 但冇乜鲮鱼味兼味道有点另类, 汤底算几好, 冇味精同几大煲, 叫做及格.
古法京都骨系用大条嘅一字骨斩件, 骨多过肉, 肉质偏硬, 似炸过笼或者系返炸, 有少少惊食到甩牙. 最好味反而系用黎打芡嘅菠萝片, 够甜够热.
茶价每位$12, 花生$10. 三个人埋单$460. 以咁嘅价钱水位同食物质素, 重覆思考左几次都谂唔到一个理据可推动我再帮趁.
脑电波不断话我听... 好又一餐, 唔好又一餐...
因为俾只猪吓窒咗, 所以一张相都冇影.
张贴