the BAKERY餅家

营业中

休息中

早前友人所送嘅圣诞礼盒（蝴蝶酥及杏仁酥），已对「饼家」嘅出品已有深刻印象，贯彻店家嘅宗旨：用心制作；估唔到时隔无耐，又收到食友嘅好意，不约而同，又喺「饼家」出品 ，但今次就唔喺乜酥物酥，而喺曲奇，正正又可以为小弟嘅「好友狂尝曲」多添一篇食评 。朋友话，佢哋嘅曲奇有成8、9款，部份口味好特别。而小弟获赠嘅喺其中两款口味，每款都以深蓝或纯白麻质布袋袋住，简洁美观，可以循环再用 。 黑朱古力曲奇 每袋有10片曲奇，全部独立包装，够卫生。打开包装，已有香浓嘅朱古力走出嚟，入口唔单只松脆，少甜，而微微甘苦，做得颇出色嘅曲奇。 玫瑰小红莓干曲奇 唔讲得笑，真喺有一朕玫瑰花香，所以，印象上已觉得非常特别，曲奇内混入好多小红莓干，所以，曲奇有松脆嘅口感外，又有份烟韧嘅咬口。事后浏览一下官网，原来仲有朱古力榛子曲奇、咖啡杏仁曲奇、开心果曲奇、洛神花全麦曲奇、伯爵茶曲奇……等等，睇见都吸引呀！