the BAKERY餅家

营业中

休息中

住開柴灣街坊應該對呢間都唔會太陌生，喺度做咗好多年，包嘅質素就不嬲都有保證嘅，最緊要係對比起出面嘅舖頭抵食，不過今次就想講吓呢度平時都會有賣嘅蝴蝶酥禮盒，呢度嘅蝴蝶酥/杏仁條禮盒都係自己出嘅，攞嚟送禮真係幾fit，之前新年買咗幾盒攞去拜年都OK，啲蝴蝶酥好好食，而且個包裝盒幾事正。相比起去買啲大牌子嘅禮盒我會寧願過嚟幫襯吓啲小店，攞去拜年都會顯得好似有心思啲！嚟呢度買禮盒嘅話可以試埋個蛋撻，個人認為都值得一試

收到這個賀年禮盒，本身未見過這間店，但盒子設計一看就是高大上的feel。吃後有驚喜，蝴蝶酥杏仁條都很好吃，全部獨立包裝，優點是可以慢慢吃不會快淋，缺點是內容量比較少，每個都有膠袋，不夠環保。獨立包裝和沒有獨立包裝各有各好，我自己比較喜歡沒有獨立包裝的，因為自己每次不會只吃一件，不停撕膠袋會覺得麻煩。但係送禮就獨立包裝比較得體。蝴蝶酥不會太甜，味道剛剛好，杏仁條很香杏仁味，而且十分鬆脆。一天就給我清了1/3 盒因為沒有到過店舖也不是親自買，所以環境和服務先給中間位。

蘑菇批餡料豐富，外皮鬆脆。餡料調味令到你食落有驚喜，滲出淡淡的芥辣味，香而不辣。食完一個可以再食多個嘅蘑菇批😋😋😋。最重要係價錢唔貴，街坊價貼地，抵食🥰🥰⋯

幾年前，呢間餅家仲喺堅尼地城的時候，我經常幫襯，因為以前公司就喺附近，食過好多次蝴蝶酥，但係今次先係第一次比食評呢度嘅蝴蝶酥真係非常好食，咬落去好脆，牛油味不會太重，味道剛剛好來自台灣的阿嫂每一次都托我買好多盒返去周圍送俾朋友，個個朋友都話好好味鍾意食餅類嘅朋友可以試吓呢隻蝴蝶酥，食兩塊飲杯茶，真係每日的賞心樂事呢間餅店其他包餅類都係好好味，支持支持！希望可以繼續做好好味嘅蝴蝶酥，有機會出下其他口味多啲新鮮感

現時連鎖面包店成行成市， 眼見面包都是由廠運過來，不是自家製，相反，這間在柴灣康翠臺的面包店，每天師傅早上和下午都要親自整包，新鮮出爐的面包絕非遙不可及。今早就食這個已買少見少的雞批，如像我的曲奇皮控必定會十分喜歡，雞批和其他批都放在一個溫熱的櫃，買時保持著溫度雞批皮不會大厚，並且很鬆脆，很香牛油味，內裡的饀料也絕不馬虎，有很多雞肉，磨菇批也好好味，但早上食一個雞批已經好full順帶一提，這間面包店埋的蝴蝶酥及杏仁條也是自家製, 廠房就在柴灣，絕對是新鮮製好便拿上來賣，放的位置就在收銀櫃前下方，很易遺漏

今日去開柴灣探人 所以買咗盒餅去 不過好驚冇貨 所以去之前有打去留定貨先 今次就試咗蝴蝶餅喺柴灣地鐵站岀口一直行就去到 都幾方便 蝴蝶餅 個盒超靚 送俾人真係好啱 所以自己都買咗盒 慢慢嘆 蝴蝶餅每一塊都好酥脆 好好食 下次一定要試埋杏仁條💁🏻

最近都比較經常系柴灣度做嘢，所以就系哩一個月之內我就對柴灣多咗好多的瞭解，柴灣的The Bakery餅家系當地同事帶我嚟嘅。我就見到裡面有好多好正嘅餅賣，就買咗啲蝴蝶餅，帶翻去霖住可以當零食咁慢慢品嘗。之前岩買嘅時候趁熱食咗個，感覺風味更佳，不過同時會覺得食落之後比較熱氣，宜家天氣比較涼，食下熱氣野都算OK，不用擔心喇。可以從蝴蝶餅的造型睇得出點解嗌蝴蝶餅，因為餅的造型好靚，個個都好似蝴蝶咁，非常之完整。而蝴蝶餅的味道，我系直到過咗幾粒鐘先又食咗幾個嘅，所以感覺到口感稍微硬咗小小，而且餅表面帶小小油光，不過實屬正常喇，不過雖然話有油光喇但系食落嘅時候你就會覺得其實有翻小小油先至好食咯，感覺會更加的香氣，脆口得嚟又無擔心油膩。我記得以前有人同我講過，瞭解一個地方文化要從瞭解佢當地嘅食物開始，哩次嘅蝴蝶餅其實俾到我更想食下其他餅嘅想法吧。

早前友人所送嘅聖誕禮盒（蝴蝶酥及杏仁酥），已對「餅家」嘅出品已有深刻印象，貫徹店家嘅宗旨：用心製作；估唔到時隔無耐，又收到食友嘅好意，不約而同，又喺「餅家」出品 ，但今次就唔喺乜酥物酥，而喺曲奇，正正又可以為小弟嘅「好友狂嚐曲」多添一篇食評 。朋友話，佢哋嘅曲奇有成8、9款，部份口味好特別。而小弟獲贈嘅喺其中兩款口味，每款都以深藍或純白麻質布袋袋住，簡潔美觀，可以循環再用 。 黑朱古力曲奇 每袋有10片曲奇，全部獨立包裝，夠衛生。打開包裝，已有香濃嘅朱古力走出嚟，入口唔單只鬆脆，少甜，而微微甘苦，做得頗出色嘅曲奇。 玫瑰小紅莓乾曲奇 唔講得笑，真喺有一朕玫瑰花香，所以，印象上已覺得非常特別，曲奇內混入好多小紅莓乾，所以，曲奇有鬆脆嘅口感外，又有份煙韌嘅咬口。事後瀏覽一下官網，原來仲有朱古力榛子曲奇、咖啡杏仁曲奇、開心果曲奇、洛神花全麥曲奇、伯爵茶曲奇……等等，睇見都吸引呀！

每年做冬都順便會同聖誕節生日的姑媽慶祝生日，今年想特別少少訂一個大的3D蛋糕比個surprise佢。OpenRice搜尋下見到呢家新野門面同評價都唔差決定試一試。 姑媽是鋼琴老師，所以想訂造一個鋼琴造型的比佢。打電話過佢原來一般都要十日以上先做到，傾左好耐，個女仔好helpful，最後佢問左師父有一個簡單d的做法會趕得切，whatsapp左張圖比我望望，都同我心目中唔差太遠所以就拍板！ 到到拎果日真係好驚喜，因為同佢whatsapp比我張相係一模一樣，造3D蛋糕最後貨不對辦，姑媽收到都好開心呀！ 因為冬至飯太飽嘅關係我自己無食到，不過家人嘅Feedback都好好，話好軟熟唔太甜。值得推薦一下呀！BTW, d麵包都好似唔錯咁，下次可以試下

還有不足一個月就到聖誕節了，唔知大家準備好聖誕禮物未呢？早前見友人貼文介紹柴灣一間麵包店《the Bakery餅家》，說店裡的曲奇產品，水準不俗，尤其是蝴蝶酥和杏仁條，入口既鬆化又滿有牛油香，令人吃不停口。所以筆者亦特意瀏覽了店舖網頁，發現原來餅店除了有麵包、曲奇和度身訂造的蛋糕供應外，近日更推出了一系列聖誕產品，而且價錢唔貴，由最平的 $39 到 $128 不等，挺經濟實惠，就一於訂購幾款，趁週末去提取，和家人齊齊分享。店舖座落於柴灣康翠臺商場，到步後發現原來這餅家只是一間裝潢普通的街坊麵包店。據店員稱，筆者所柯打的餅食，全部都要預早訂購，若 walk-in 的話，相信要失望而回。拿著曲奇，見時間尚早，商場平台人煙稀疏，饞嘴的我就一於坐下來先取出一試，反正這天連早點也還沒吃。首先開盒最大的，其實這罐是聖誕版薑餅人系列 (GB Man Collection) 的芝麻脆片禮盒 Sesame Crunch Gift Box ($98)，一數，共有 25 塊，每塊脆片面頭都布滿黑白芝麻，餅身咬下既薄且脆，入口充滿芝麻的濃香，用作茶點就最適合不過。接著是三款布袋裝曲奇，分別有伯爵 Earl G

聖誕節就到，又係時候向親朋好友表達愛意，今年我就實際少少，諗住買D又得意又食得既野就算，所以連日黎都四出周圍搵，終於皇天不負有心人，俾我係柴灣既the BAKERY餅家搵到 就係呢個聖誕節限定既曲奇禮餅盒喇 我一見到已經覺得好可愛，又好實際，於是我就立即俾錢帶晒佢地返屋企 薑餅人打開後原來係芝麻餅 食落鬆脆之餘又唔會太甜，而且芝麻更是焗得極為香口，食在口中就如吃著薯片般過癮，完全能滿足我鍾意有口感既欲望，真係好好味 超人仔仔及小布袋中入面就分別係黑朱古力、伯爵茶、綠茶及玫瑰紅莓味曲奇，細味下金香鬆脆的同時，曲奇更散發出濃郁的朱古力、清新的香茶、玫瑰花的芳香和新鮮的紅霉味道，食多數片後都不覺滯，加上更是獨立包裝，感覺非常衛生 而小聖誕樹中就是我最愛的杏仁條，香口既同時更有大量杏仁粒在當中，食落好有口感，層次極為豐富，同時也十分脆口，不知不覺就會不停咁想食落去~ 經我自己親身品嚐後覺得甚是不俗，加上外觀可愛具節日氣氛，用作送禮或交換禮物都是很好，睇怕今次我d屋企人同朋友都實唔會再話我買埋d垃圾俾佢地喇

每年11月就最多屋企人生日！今年我就揀左the BAKERY餅家既鮮雜果忌廉蛋糕送俾最鍾意食cream既婆婆，成個蛋糕充滿我要求既鮮滑忌廉，蛋糕內更具多層夾雜著不同時令鮮果，加上鬆軟的蛋糕層，而甜度適中！生果新鮮鮮甜忌廉有口感而不膩，完全就是我想要的味道，加上師傅的巧手製作出的玫瑰花與蝴蝶下，成個蛋糕確係好似一個開滿玫瑰花既小花園咁，婆婆見到都好鍾意，二姨丈就更係讚不絕口，今次果然係無揀錯，睇黎之後都可以繼續幫襯呢間餅店~ 

前幾天，收到友人送贈的一盒蝴蝶酥。Tiffiany藍的方形鐵盒包裝，清新脫俗之餘，感覺也挺名貴大方的，送禮確實一流﹗盒內，放有一張寫有店家製餅宗旨的小紙張。打開鐵蓋一看，大小均一的蝴蝶酥，分成三行，整齊地排在盒內。蝴蝶酥外觀呈焦黃，且有多層皺摺㾗，表皮沾滿了砂糖粒。一口咬下去，外層帶點硬脆，內裏則十分鬆脆香酥，且帶陣陣牛油香氣，送禮自用俱宜也﹗小結：小妹把蝴蝶酥放在客廳的矮櫃上，方便家人享用。昨日下午，嫲嫲在廚房，小妹上廁所，未夠兩分鐘，二歲半的小魔怪竟搬來一張椅子，打開鐵盒，「偷」了一塊蝴蝶酥，坐在梳化上吃著﹗