理想餅店

营业中

休息中

理想喺乜？小弟只想起「遥远」一词，我呢啲稳阵派，无咩太多理想，硬要讲嘅，希望就喺有生之年，走访到半个地球。无啦啦讲乜嘢理想，皆因有心嘅食友送小弟一包小店「理想饼店」出品嘅绿茶蝴蝶酥，睇见店名，就谂咗一谂。包装好简单，一包有8片，片片均做得颇大件，块块大细一致，外形工整对称，夹杂嘅绿茶粉，令蝴蝶酥外观份外抢眼。型态如心嘅绿茶蝴蝶酥，咬一口，绿茶味好抢、好突出，幽香而带点甘味，细嚼牛油香慢慢渗出，两者嘅味道都极之平衡，唔会被单一味道抢走；睇睇咬开嘅蝴蝶酥，层次清晰而细密嘅酥皮层就知有几酥化，故口感喺酥脆到不得了，绝对喺一件做得好「理想」嘅蝴蝶酥。虽然「理想饼店」喺家唔太出名嘅小饼店，但其蝴蝶酥真喺高水准，唔差得过一啲所谓知名专做蝴蝶酥嘅饼店。再次多谢好友，醒我一包咁高质嘅出品，让小弟有顿美味嘅下午茶！