影片
更多
2014-02-07
673 浏览
唔经唔觉，好友狂尝曲系列都写到嚟第十二篇，其实Mrs. Fields差唔多日日都经过，因为小弟返工返中环，港铁站内就有一间分店，所以经常行过，不过就一直甚少帮衬，反而买咗好几次佢嘅「小食」嚟送俾啲食友仔 。众所周知，佢哋卖嘅喺美式软心曲奇，即喺大大块，咬落唔脆，饼心软软韧韧，质感非常有趣，而且糖分高牛油重 。虽然喺咁，亦都有唔少捧场客。晌店面，佢哋会将一小粒一小粒包好放晌柜枱前俾人试食，小弟有时行过都会随心攞粒过吓口瘾架，哈哈 ！今次唔喺朋友，又唔喺食友所送，喺老细个女醒我哋几个同事嘅。所以，严格嚟讲都唔喺太贴题，不过，算啦，被我抽抽水写埋入「好友狂尝曲」系列度啦。之但喺，话时话，佢一请就一大盒，虽知Mrs. Fields嘅曲奇本身都唔平，成$13件，所以依盒嘢都成$130架，可是对有钱人而言，碎湿湿啦 ！内里一共有10块曲奇，分两款味道：夏威夷果仁及纯朱古力。 夏威夷果仁曲奇 入口可以话喺丧甜 ，真喺甜得有啲无谱，未必人人啱食，不过口感软腍烟韧，富牛油香味，内里有唔少大粒夏威夷果仁，真材实料无欺场 ，所以食落份外有咬口，而且果仁又好香脆。 纯朱古力曲奇 真
众所周知，佢哋卖嘅喺美式软心曲奇，即喺大大块，咬落唔脆，饼心软软韧韧，质感非常有趣，而且糖分高牛油重 。虽然喺咁，亦都有唔少捧场客。晌店面，佢哋会将一小粒一小粒包好放晌柜枱前俾人试食，小弟有时行过都会随心攞粒过吓口瘾架，哈哈 ！
今次唔喺朋友，又唔喺食友所送，喺老细个女醒我哋几个同事嘅。所以，严格嚟讲都唔喺太贴题，不过，算啦，被我抽抽水写埋入「好友狂尝曲」系列度啦。之但喺，话时话，佢一请就一大盒，虽知Mrs. Fields嘅曲奇本身都唔平，成$13件，所以依盒嘢都成$130架，可是对有钱人而言，碎湿湿啦 ！
内里一共有10块曲奇，分两款味道：夏威夷果仁及纯朱古力。
夏威夷果仁曲奇 入口可以话喺丧甜 ，真喺甜得有啲无谱，未必人人啱食，不过口感软腍烟韧，富牛油香味，内里有唔少大粒夏威夷果仁，真材实料无欺场 ，所以食落份外有咬口，而且果仁又好香脆。
纯朱古力曲奇
真喺睇佢唔出，估佢唔到，反而无咁甜㖞，我谂对大部人而言易入口好多，而朱古力粒好浓朱古力味，布满晌成块曲奇身上 ，所以个人较钟意依款曲奇，正正啱啱好拣咗两块纯朱古力曲奇添。
曲奇加咖啡喺下午茶精彩组合，平时晌公司都喺懒懒哋冲三合一咖啡，刚啱同事从旺角嘅My Little Coffee买咗啲非洲肯亚咖啡 ，问我有无兴趣㖞，仲使讲咩 ，加埋杯自家滴漏咖啡，超享受啦！
多谢晒老细个女，亦多谢同事，让小弟从沉重嘅工作中释放出嚟一阵，抖抖气，饮吓咖啡食吓曲奇。
张贴
