喜利餅店 (已結業)

香港唔少地区，都仲存在著一啲港式面包铺，前铺后工场，无靓面门，逼逼窄窄，港式面包、蛋挞、鸡批、曲奇、酥饼……等等摆到一铺都喺，「喜利饼店」就喺其中之一，瑟缩上环禧利街小巷一角。朋友送上一小包「提子曲奇」，就喺「喜利饼店」嘅出品 。贯彻典型港式面包铺风格，包曲奇无乜包装可言，简单一个印有店名及地址嘅透明胶袋包住就喺，嚟帮衬嘅都喺食佢嘅味道 ！包得熨贴嘅曲奇，一包有10块，块块呈长方，厚薄均一。牛油味香得嚟唔算好重，质感好松化，提子干烟韧有咬口，轻易一块接一块喺咁食，10块？一个下午茶都食得晒 ！以前听个前辈讲，面包嘅毛利赚得唔多，反而曲奇之类赚得钱深啲，不过，始终买面包嘅人占多数，早餐、午餐、下午茶……咩时候都食得，顶得肚饿，当喺薄利多销；然则，无咩人会买曲奇当餐饭食啩 ！