星之味 (已結業)

晌食友当中，有几位特别有小弟心嘅，久不久就送上小曲奇作为点点心意。最特别喺佢送亲嘅曲奇都唔喺出自咩大店，大多数都喺啲小店，如：Crostini Bakery & Café、Joey's、Clover Cake & Coffee House、Rachel's Cookie……等等，今次又会喺边间呢？就喺「星之味」（Star's Taste），款式喺朱古力曲奇 。对依间店非常陌生，尝试晌网上揾揾，虽然揾到佢哋个官网，但十分简单，只介绍到喺由两位曾担任五星级酒店西餐部总厨嘅顾问及总监主理 ，有蝴蝶酥、杏仁酥、曲奇、蛋糕、冻饼售卖，不过再详细啲嘅产品介绍就欠奉 。金铜色配以格仔纹嘅纸盒包装，典雅得体。每包净重150g，块块独立包装，确保卫生，又唔怕一次过食唔晒而潮化变腍。数过喇，一包里面共有17块，都唔少㖞 。每块朱古力曲奇，除咗加有朱古力粒，仲有劲多杏仁碎，平均分布。曲奇本身已经极之香脆松化，而且朱古力味浓郁，杏仁又香脆 ，食落又唔会太油，真喺好得，两位师傅果真唔喺徒有虚衔。晌佢个网页有一段咁嘅分享：「我们希望在您细尝本店的出品时，不但可以找到味蕾上的满足，更感受到我们所投入的心机