影片
更多
2015-12-25
690 浏览
今次嘅「好友狂尝曲」系列有少少特别，所谓「好友」喺公关好友，有幸获邀出席咗最新嘅日本过江龙、东京超人气伴手礼Tokyo Milk Cheese Factory嘅新店发布活动 ，晌东京已开设咗8家分店，而全球首家海外专门店正式落户香港，自不然会隆重其事。店家实在犀利，一口气就晌香港开设3家分店，包括西贡总店、铜锣湾希慎广场期间限定店（Pop-Up Store）、及率先登场嘅上环西港城分店，不单选址特别，一开就3间，胆色过人 ！既然喺新店发布，店家各款人气产品一定会全部「晒冷」：艾登芝士蛋糕、牛奶芝士饼、海盐芝士曲奇、蜂蜜芝士曲奇，晌场内每个角落都有佢哋踪影，最得意喺唔同嘅产品，都加上唔同嘅配衬嚟突出产品嘅特点。据说西贡总店会偏向田园风格，配合牧场牛乳嘅形象，有机会真喺要入去睇吓。此外，更晌场中摆设一幅由芝士曲奇、芝士条及多款道具所做成店家嘅招牌标志，牛头则变成牛乳牧场，而据介绍整幅图案中嘅每个公仔、字样都可以放入口，但做得咁有趣，又点好意思食咗去呢 ！原以为嚟到直接试食各款产品，点知店家颇有心思，将芝士曲奇加点小魔法，变成多款派对小食，让小弟了解到产品嘅可塑性 。的而且确，利用曲
既然喺新店发布，店家各款人气产品一定会全部「晒冷」：艾登芝士蛋糕、牛奶芝士饼、海盐芝士曲奇、蜂蜜芝士曲奇，晌场内每个角落都有佢哋踪影，最得意喺唔同嘅产品，都加上唔同嘅配衬嚟突出产品嘅特点。据说西贡总店会偏向田园风格，配合牧场牛乳嘅形象，有机会真喺要入去睇吓。
此外，更晌场中摆设一幅由芝士曲奇、芝士条及多款道具所做成店家嘅招牌标志，牛头则变成牛乳牧场，而据介绍整幅图案中嘅每个公仔、字样都可以放入口，但做得咁有趣，又点好意思食咗去呢 ！
原以为嚟到直接试食各款产品，点知店家颇有心思，将芝士曲奇加点小魔法，变成多款派对小食，让小弟了解到产品嘅可塑性 。
的而且确，利用曲奇咸咸甜甜嘅个性，配烟三文、巴马火腿、生果、甚至生姜丝，都有意想不到嘅惊喜效果。
几款小食中，以巴马火腿卷住菠萝（餐牌原先写喺桃肉）配海盐芝士曲奇最得小弟欢心，咸香中涌出一份芝士香味，颇特别 。
除咗曲奇，招牌产品仲有两款蛋糕：牛奶芝士饼及艾登芝士蛋糕，细细个的的骰骰，啱晒三几个老友共享！
牛奶芝士饼（Milk Cheese Cake）$180 据店家称，为求保证品质，暂时每店每日只有限量50个供应。店员介绍，依一款芝士饼喺以法国芝士与北海道牛奶混合制作，上层牛奶芝士慕丝，下层忌廉芝士，所以一个蛋糕食到两种口感，几得意，而且，上层慕丝绵滑富奶香，下层则口感实在而芝士味浓。雪冻啲拎出嚟即食，更会有食雪糕嘅效果。
艾登芝士蛋糕（Edam Cheese Cake）$158 另一款以荷兰艾登芝士为卖点嘅芝士蛋糕，混入忌廉芝士及柠檬汁以烘焗制作，所以，冻食热食都得。入口虽然芝士味独特且香浓，不过，质感有点松散，所以，个人比较喜欢牛奶芝士饼。
是晚到访，除品尝其独特嘅芝士产品之外，更收到份意想不到嘅「手信」，就喺印有自己个「唛头」嘅芝士曲奇 。店内设置一部「影相机」，可以将你鬼马嘅表情做成贴纸印晌包装盒同曲奇嘅包装袋上，非常有趣。只可惜，部机只得今晚放晌度，不过，之后可以透过网上预订，同样可以做到独一无二个人化嘅包装 。
海盐芝士曲奇（Salt & Camembert Cookie）$78/10片装 / $148/20片装 外层曲奇以北海道牛奶及法国海盐制成，带点点咸味，中间夹住一片金文毕芝士，以为会重咸味，嗒落又唔喺，反而有啲咸咸甜甜嘅感觉，原来就喺店员所指加入白朱古力所做成嘅效果 。
蜂蜜芝士曲奇（Honey & Gorgonzola Cookie）$83/10片装 / $158/20片装 另一款嘅曲奇嘅夹心芝士就用咗蜂蜜、古冈左拉蓝芝士及白朱古力内馅，搭配出不平凡嘅味道，浓重嘅蓝芝士味，又渗出些微蜜糖香，要细意慢慢嗒先出到个效果。此外，咁嘅外形，仲有一种好似食紧「菠萝油」嘅感觉，当然，无咩油腻感啦。
若想一次过试齐两款，芝士曲奇礼盒装就最合你心水，分两种份量：$153（各10片装）及$290（各20片装）。
既然啲芝士曲奇可以有咁多变化，派对一定大派用场，圣诞、新年、生日搞派对时就最啱，就算平时送俾朋友仔，相信人家都会好喜欢 ！
题外话/补充资料：
利申：上文摆明就喺新店发布活动，未有剔「试食活动」纯为方便大家阅读。
(以上食记乃用户个人意见 , 并不代表OpenRice之观点。)
张贴
