Marks & Spencer - 食品部 (已搬遷) 新店位置

同相熟食友嘅聚会，除咗可以聚一聚一齐「犯罪」之外，周不时都收到佢哋醒我嘅小食礼物，今趟又收到一小包出自马莎嘅迷你朱古力碎碎曲奇（Mini Choc Chip Cookie） 。因为曲奇一般嚟讲都坠手啲，所以，虽然每包100g，但唔觉唔觉好容易一铺过清晒。每粒曲奇混有唔少朱古力碎粒，从包装显示，朱古力粒喺27%嘅黑朱古力，味道唔会超浓，但亦尝到点点甘苦味。至于粒粒迷你尺寸，一啖一粒，唔会食到周围饼碎，不过，口感一般，唔多够松脆，似美式曲奇多啲 ！本来都打算当下午茶咁一次过晒，不过，小弟都算食得甜，但食咗大半都觉得有「漏」，所以，留咗小半包明天待续。