慢煮工業 (已結業)

约左好耐冇见的旧同事食饭兼聚旧，选左呢间餐厅，环境好舒适，灯光有情调，只系餐厅位置比较远离旺区，第一次去都要花少少时间先揾到。餐具好得意好特别。好似叫菲力牛扒＄９８：好厚件，但唔够入味，对呢个牛有Ｄ失望，可以再改善下。羊后膝＄９８：好入味，够淋，唔膻，我地３个都觉得呢个主菜又平又好食，难得食到羊系煮得好食，下次会再黎食。水牛城炸鸡(半只)＄６８：比较细只，但味道不错，可惜入边Ｄ肉比较鞋。黑松露巴马臣薯条＄３８：由于其中一人唔食芝士，所以我地叫左个酱另外上，但其实平身可能都系拎外上的，薯条入口香脆入味，食到停唔到口，其实如果三五知己来倾计饮下野，呢度都不错，起码薯条这个小食又平又好味，可以不断重叫。整体好满意，饮酒食野食小食，三五知己聚旧，系一个好选择。食晚餐又平又抵环境又不错。