影片
更多
2016-07-25
586 浏览
估唔到，去酒吧餐厅都可以倾心事！我一直以为，酒吧好嘈，又无嘢食，只有饮酒同嘈吵嘅音乐声……今次朋友带我去完呢间餐厅之后，就打破咗呢个固有嘅观念。我们去到呢间餐厅应该系6点9左右，餐厅有一两台人，灯光就有啲黑，可能酒吧都系咁嘅。亦都因为咁，影出嚟嘅相都有啲黑，有啲就朋友帮手用电话打灯XD（唔该晒！）我哋跟SET叫，DINNER SET（$168加一）有汤、前菜、主菜同饮品。我哋拣嘅汤同前菜都一样，主菜同饮品都唔同。值得一提嘅系，呢度食完可以继续坐，两小时之后，饮品可以免费任添！真系好抵！啱晒吹水喇！汤系忌廉汤，不太特别，不过有枝饼干可以点住嚟咬下食下，就特别咗啰。前菜就系香煎鹅肝多士。其实我唔系好钟意食鹅肝，有得拣都避免拣，不过跟餐有就无得避啦。好彩呢个鹅肝多士都算唔错，鹅肝应该啱啱煎好就夹入去多士度，所以有啲余温，食𠮶时仲暖暖哋，滑之余有种入口即溶嘅感觉！多士烘得脆卜卜，正！主菜分别系8安士嘅安格斯肉眼牛扒同埋半只香草烧鸡！扒大过我手掌，好大块，虽然系薄身𠮶种，但我目测觉得应该唔止8安士呢。扒唔算韧，切得几轻松。食落都算有肉味，而脂肪部位入口超甘香，百几蚊嚟讲，质素唔错。烧鸡虽然得半只
估唔到，去酒吧餐厅都可以倾心事！我一直以为，酒吧好嘈，又无嘢食，只有饮酒同嘈吵嘅音乐声……今次朋友带我去完呢间餐厅之后，就打破咗呢个固有嘅观念。我们去到呢间餐厅应该系6点9左右，餐厅有一两台人，灯光就有啲黑，可能酒吧都系咁嘅。亦都因为咁，影出嚟嘅相都有啲黑，有啲就朋友帮手用电话打灯XD（唔该晒！）
我哋跟SET叫，DINNER SET（$168加一）有汤、前菜、主菜同饮品。我哋拣嘅汤同前菜都一样，主菜同饮品都唔同。值得一提嘅系，呢度食完可以继续坐，两小时之后，饮品可以免费任添！真系好抵！啱晒吹水喇！汤系忌廉汤，不太特别，不过有枝饼干可以点住嚟咬下食下，就特别咗啰。
前菜就系香煎鹅肝多士。其实我唔系好钟意食鹅肝，有得拣都避免拣，不过跟餐有就无得避啦。好彩呢个鹅肝多士都算唔错，鹅肝应该啱啱煎好就夹入去多士度，所以有啲余温，食𠮶时仲暖暖哋，滑之余有种入口即溶嘅感觉！多士烘得脆卜卜，正！
主菜分别系8安士嘅安格斯肉眼牛扒同埋半只香草烧鸡！扒大过我手掌，好大块，虽然系薄身𠮶种，但我目测觉得应该唔止8安士呢。扒唔算韧，切得几轻松。食落都算有肉味，而脂肪部位入口超甘香，百几蚊嚟讲，质素唔错。
烧鸡虽然得半只，但一个人食，加埋下面嘅薯蓉，份量就多咗啲喏。烧鸡味道虽然唔系好惹味（如果用香草以外嘅调味料去烹调，应该会惹味好多），不过火候啱啱好，肉质几嫩滑，鸡胸肉都唔「鞋」口！薯蓉好多，好好味！
餐饮呢，我点咗APPLE CIDER，朋友叫红酒！其实我2样都好少饮，我平时都好少饮酒，啤酒都唔多饮嘅。不过APPLE CIDER 影相吸引啲，饮落都OK嘅。不过对我嚟讲就大杯咗D，唔使REFILL喇～
朋友系叫红酒，因为佢话要饮红酒配牛扒XDD佢有冇REFILL？无啦，因为佢都饮唔晒！但我哋食完就喺餐厅度谈天，谈了差不多一小时都没有人催我们，很久未试过食得咁舒服，咁自在，无压力喇～
张贴
