K-Net Square (已搬遷) 新店位置

今次同三五知己，走去試嗰間餐廳，點知正到彈起! 嚟啲頭盤，香煎鵝肝多士食落去外層焦香、咬落去鵝肝soft綿綿，真係正! 我啲沙律菜圍邊嘅都勁夠晒新鮮，食落去好開胃😋。跟住嚟主菜—肉眼扒，肉味濃而唔柴，軟滑得嚟口感豐富，仲有份醬汁嘅話，就真係添色不少👌。伴碟嘅薯蓉好似雲朵咁輕柔，牛油香味夠哂力，真係想讚佢句「唔錯喎」。咀嚼間，個人仲想再飲兩口紅酒，發覺佢哋果款紅酒真係易入口又夠味，飲多兩杯都唔覺厭。最正係，食完晌餐廳仲可以唱K，輕鬆又盡興，真係食得開心，唱得滿足😎。下次約埋其他臭朋友一齊黎，串下串下，食埋夜哋食物，一定過癮添！

K-net square特色係可以唱卡拉ok 食物方面都唔錯 有得食有得玩！ Set dinner $388 已包前菜 主菜 甜品 Like埋facebook仲可以任飲特選法國紅酒2小時 勁抵! 先黎頭盤厚切鵝肝多士 肥美又大件 香煎自內脆外軟 不過多士唔夠脆身 有d失望 黑醋汁將味道提昇至另一層次 黑毛豬鞍配紅酒汁 肉質勁juicy同鬆軟嫩滑 平時食既豬鞍容易煮過龍變硬 煮得恰到好處 非常出色!! 點上紅酒汁令肉味更濃郁

自己中意聽歌同唱歌,平時去太子酒吧街, 他們的K bars 沒有那麼多新歌,這次去K Net Square一試,歌新,環境亦都比較乾淨,waiters好 friendly, 逢星期五又有歌手駐場唱歌,無最低消費,所以去過一次之後又叫埋d friends一齊去。叫了2人晚餐,可以兩小時內任喝Strongbow cider 同法國紅酒,400唔使有鵝肝多士,三文魚沙律做前菜,還有主菜: 面積好大既牛扒,肉味非常香濃,好juicy,同燒雞,亦都幾大份吓,係乾左少少,但仍然好令人滿足。 鵝肝多士其實我幾surprise 一間酒吧會有得食,整得係好味,d 意大利甜醋配合都算幾肥美既鵝肝,係好好味。 牛扒真係肉味好濃,好juicy。 他們有間私人房可以唱k開會,都係無時間限制,下次或者會一試。

手機突如其來的死亡，返魂乏術，加上其他瑣事，心情就跟烏雲密佈、滂沱大雨的天氣一樣差。好友說要跟我聊聊，讓我暢談心中鬱悶。冒著雨，從地鐵站走了數分鐘，來到太子大南街的K-net Square。原來是一間酒吧餐廳。內裡有大熒幕、飛標，想必睇波、飲酒最適合不過。是日乃閒日的夜晚，相對冷清，絕對可以慢慢聊聊。跟朋友點了一個二人餐，有餐湯、頭盤、主菜、甜品、飲品。餐湯是薯蓉忌廉湯，沒有配上麵包，反而是餅乾條。湯屬正常水平，調味適中，但質地略為過稀。煙三文魚凱撒沙律煙三文魚的煙薰味香，有兩大片。沙律菜新鮮脆身，散發芝士的香味。沙律醬汁亦美味，恰當的酸度令人開胃。麵包粒亦脆身，口感不錯。香煎厚切鵝肝多士？咦，不是鵝肝多士嗎？顧著跟朋友聊天都忘記了餐牌的菜式，來了一盤火腿拼盤。有ham、salami等等，但火腿的味道不太突出，而且質地偏硬。幸配料的沙律菜新鮮，多士亦脆身，若配上一些醬料會更好。黑毛豬鞍配紅酒汁豬鞍烘得香口，但同時保留肉汁，不會乾身。豬鞍的肥瘦比例亦適中，肉質軟中帶韌勁。紅酒汁紅酒味不太突出，但調味適中。配菜有薯蓉，質地細滑，帶有忌廉香味。黑松露雜菌意大利飯意大利飯的黑松露味點嫌不夠芳香

8月係我生日月, 不停食生日飯. 今次朋友搵咗一間有西餐食又有k唱嘅餐廳. (真係第一次聽到有呢類餐廳)餐廳位於太子. 都幾近太子地鐡站. 去到餐廳冇咩人, 可能係因為星期一啦. 但環境好舒服. 餐廳雖然不大, 但有一個大電視屏, 幾部細電視屏, 擲標機. 我地叫咗個set dinner. 每位$194. 如果即時like facebook. 仲可以免費2個鐘飲cocktail. 又真係幾抵雖然我唔飲有酒類成份嘅嘢. 但朋友like咗, 又話好似Jolly Shandy, 就試吓, 飲咗一半就飲唔到了. 但朋友就飲得好開心. 湯...忘記咗係什麼名堂頭盤有鵝肝多士, 其實嚟到都忘記咗佢係鵝肝. 因為我唔食的. 唸住朋友一個人食晒佢的. 點解會忘記! 就係因為我地掛住傾計, 而職員放低食物時. 一見到係蠔. 所以就食咗. 但味道的確唔錯. 最後係掉轉咗係我食咗3隻. 朋友食咗一隻. 原來鵝肝係好好味架!凱撤沙律, 都係一般有沙律菜, 煙三文魚. 我揀咗黑安格斯肉眼扒5成熟. 肉質好軟. 只係根的部份有少少un. 但好有肉汁朋友揀咗黑毛豬鞍. 係職員介紹的. 但因為我之前係其他餐廳食

昨晚要請同事吃飯，我突然想到去這餐廳，因為真的平、靚、正😁， 兩人套餐才$388. 餐廳裝修環境、氣氛也不錯，尤其我們兩位都喜歡喝酒🍷🍴 （兩小時任飲）首先送上了鵝肝多士，厚厚的鵝肝，更上了一塊麵包，食用時就不會太膩了！ 這鵝肝獨特的鮮味，配上了法國紅酒🍷，即時胃口大開！香草燒雞（半隻）用作伴酒無得輸！ 已經醃製的燒雞，非常入味，又可保持雞的肉汁。黑松露雜菌意大利飯分量十足、大大碟，惹味黑松露配上了雜菌和一粒粒軟熟的米飯，非常粘咀，整個嘴巴內都是黑松露的鮮、雜菌的甜、焗飯的香，難以形容！ 簡單一句 Perfect match 😍飯後甜品： 自制豆腐軟雪糕，很重豆腐味，更保留到豆腐的滑，最合我口味的是不會太甜！😋😋

越來越喜歡蒲太子，這裡有各式各樣的餐廳同酒吧，交通又極其方便，真係同朋友聚會的好地方。今次這間酒吧餐廳，絕對值得推介，有美食又有靚酒，最適合放工一族。餐廳環境寬敞舒服，播放着流行音樂，令人份外relax 點了一客$388的2人套餐，有是日餐湯，而Appetizer有“凱撒沙律配煙三文魚”及“厚切鵝肝多士”兩款。厚厚的鵝肝香稔軟嫰，入口迅速融化，令人回味無窮！主菜選了“安格斯肉眼牛扒”及“黑毛豬鞍配紅酒汁”。很久未吃過這麼有水準的肉眼扒，不但分量十足，肉質細膩，脂肪比例恰到好處，火候真係Medium done得剛剛好，不太熟亦不會血淋淋!!!! 至於黑毛豬鞍亦毫不遜色，肉厚但不“鞋”口，反而厚切可突出其咬口感，沾上特式醬汁更覺惹味！最後當然仲有是日甜品“豆腐雪糕”最抵的就是只要在餐廳的Facebook專頁按share and like就可以有兩小時暢飲特選法國紅酒或Apple Sider，真係明益街坊！以這樣價錢可同時享受美酒佳餚，真係超值！今次同朋友揾到這間超筍酒吧餐廳，以後又多一個新蒲點了

上星期老友A生日，他說曾經在太子某間餐廳吃飯飲酒很不錯，最重要是還有live band。因此今晚一行三人便定到k-net square relax一下K-net square位於太子大南街，不是朋友介紹也不知道這邊原來有數間酒吧餐廳餐廳有分室內和露天位置，抽煙朋友選擇露天的最適合不過。當晚大約7時多便到達餐廳，可能時間還早，還沒有很多人。K-net square最特別之處是除了吃飯飲酒外，逢星期三五六有live band, 而且可以唱k掟鏢我們三個人點了一個二人餐再加個一人餐。今天的餐湯是雜菌湯，味道較清淡，入口有濃郁的菇香，正正常常前菜是非常出名的香煎厚切鵝肝多士，沒花沒假有圖有真相📸📸📸厚厚的鵝肝以慢火煎煮，再配上多士，一口呷下油份全滲在多士上，又香又脆，真正回味無窮鵝肝比多士還要厚呢，yummy煙三文魚凱薩沙律，份量沒有欺場，凱薩汁與配料比例恰好酸酸的開胃一流！黑松露雜菌risotto, 加入先爆香的冬菇、雞脾菇等配料，每粒飯香口腍身，上桌時灑上黑松露醬和芝士，非常惹味安格斯肉眼，上枱時外表較遜色，但正所謂扒不可以貌相，呷入口非常有驚喜火候控制準繩，肉質鬆軟，很juicy，沾少許

最近做訓練員做到好忙…周圍行行到太子！咁啱見到有間k square , 之前試過旺角嗰間都覺得OK！咁我哋就決定試一試都行到攰啦！入到餐廳見到佢嘅裝修都係酒吧格局，好適合happy hour 飲杯野！行到餓都要食下野醫下肚才是重點！睇睇menu , 有二人晚餐！哈哈 揀幾樣野就OK, 唔洗諗咁多！頭盤有沙律同鵝肝揀，最後揀左香煎鵝肝多士！鵝肝係厚切嘅，拎出黎嘅時候都幾香！切落去嘅時候必唒油出黎，好香，d油滲入多士，好夾，唔會覺得好油膩，剛好！主菜揀兩樣，咁我地揀左千層麵同烤雞！首先講吓個焗芝士肉醬千層麵，焗肉醬果然係有保証，芝士份量夠，肉醬佈滿每一層麵嘅中間，足料！蕃茄味夠，鹹味適中，OK 之選！然後再講下個烤美國香草雞，香草味勁香！烤得唔錯，皮脆肉嫩，切開仲有汁漏出黎，一d都唔乾！都要講下d配菜，薯蓉牛油濃，真係唔錯！燒茄子同翠肉瓜都燒得好香！咁岩嗰日有live music, 有位女孩子喺度唱歌，仲可以點下歌!一路聽歌一路蘋果汽酒！杯酒有少少whiskey + apple cider ! 蘋果味比平時嘅Apple cider 濃！最後，食埋甜品，芝麻雪糕，正呀！圓滿！

前日，一個grad咗幾年嘅大學師兄突然Whatsapp我，話佢工作得好唔開心，就想約我出來傾下計，食下同飲下野。佢就係太子返工嘅，所以等埋佢放工之後就睇下太子個邊有咩食。我地係太子道西附近行，轉入大南街，見到有間鋪頭門口放咗好多牌，跟著我地好奇，就行過去睇下。原來間餐廳係一間酒吧，叫K-Net Square。我地就決定去試一下。呢間酒吧做緊一人Promotion Set Dinner，我同師兄就一人叫一個。是日餐湯係黑松露蘑菇湯，濃濃嘅黑松露味係口腔停留，加上蘑菇蓉，真係絕配！前菜係香煎厚切鵝肝多士，多士脆卜卜，配上肥美鵝肝，估唔到用平民價都可以食到高質鵝肝！跟著主菜我就叫咗菠菜蟹肉天使麵，蟹肉份量唔少，仲有d菠菜蓉，食落有層次感，調味岩岩好，唔算鹹，食到蟹肉嘅鮮味。要讚嘅仲有個天使麵，個廚房將天使麵煮到岩岩好，好爽口，d麵一條條，唔會痴住一patpat。另外，我師兄個個黑安格斯肉眼牛扒，有成八安士，超級大塊，切起上來又唔韌，加埋個燒汁，好好味。去酒吧又點少得飲下酒，我地兩個都揀咗Strongbow Apple Cider，我地兩個就係一個美好嘅夜晚吹咗三個鐘頭水XD呢間酒吧仲有其他野

同我唔同年同月同日生既老死生日點都好...一定要出黎慶祝一下今次..我地就比朋友佢自己簡食咩佢同我地講係太子有間吧..有酒飲有野食D野食仲要幾好食..問我地試唔試下..咁我地充無所謂... 去試一試可能去到仲早...場內唔係話好滿座唔知點解好鍾意住近吧枱又可以睇人調酒3個人....叫左個2人SET再另外散叫多一個餐2人SET有餐湯, 沙律, 鵝肝多士, 2個主菜..飲品再加多個甜品都係$388/2位 @@而即場打卡....又有優惠~~可以任飲(2個鐘)指定紅飲同蘋果酒呢個又係我做野時候喇~~我地簡左蘋果汽酒佢地有2款比我地簡...第一就咁蘋果汽酒第2就係有埋沙冰...我地簡左有沙冰個款蘋果汽酒上加左用左蘋果酒打既沙冰..蘋果味重.. 清甜..係咁熱既天氣飲簡直透心涼等左一陣...餐湯到~野菌磨菇湯料好足...但自己就覺得個湯略淡煙三文魚沙律到三文魚份量多而生菜亦新鮮, 再沾上沙律醬好食~~~厚切鵝肝多士雖然係$388既餐...但個鵝肝絕不欺場每一件都係好厚..廚師煎得鵝肝皮脆..而內裡就岩岩好熟而鵝肝油份亦鎖哂係裡面再配返D黑醋汁可以減去油膩感覺黑松露什菌意大利飯呢個飯什菌多.. 仲係

今日同閨蜜傾傾結婚的事情，去到太子大南街覓食，大南街中菜火鍋比較出名，但炎熱天氣唔太想食中式，日式放題又怕肥，行到大南街中間位，發現了新開酒吧，當日仲有枱剩下，見到二人晚餐$388 有甜品有酒飲，就決定衝入去食啦。 介紹下裡面先，我只影了門口，忘記了影裝潢，佢真係一間酒吧黎，吧枱，電視機，仲有得唱K, 有標巴遊戲機，在場都係斯文人，可能大家都係dinner，唔會有好吵鬧聲音，這裡氣氛很適合情況用餐。我同閨蜜分別選了煙三文魚沙律，鵝肝多士，一個安格斯肉眼牛排(8oz)，一個黑毛豬鞍配紅酒汁。 今日餐湯係我最喜歡雜菌湯，我真係好喜歡雜菌磨菇湯，特別現在已經不是金寶湯時代，店家會買鮮雜菌磨菇，將它炒香打碎禁煮，每一口都食到碎碎磨菇，又香又cream,再加上店主唔用麵包，改用長手指餅相配，相當不俗。沙律凱撒feel,煙三文魚像花朵一樣盛放，未食已經心動啦，讚另外鵝肝多士煎得剛剛熟，最怕切開仲有血水，會好羶的，這裡的廚師煎得剛熟又脆皮，加上炒過洋蔥，洋蔥煮得熟，甜甜地夾係中間，多士夠薄又夠脆，3重口感，yummy! 少量黑醋汁沙律帶些少清新，無禁油膩。首先安格斯牛排，比想像中大塊，朋友話鬆化得黎

估唔到，去酒吧餐廳都可以傾心事！我一直以為，酒吧好嘈，又無嘢食，只有飲酒同嘈吵嘅音樂聲……今次朋友帶我去完呢間餐廳之後，就打破咗呢個固有嘅觀念。我們去到呢間餐廳應該係6點9左右，餐廳有一兩檯人，燈光就有啲黑，可能酒吧都係咁嘅。亦都因為咁，影出嚟嘅相都有啲黑，有啲就朋友幫手用電話打燈XD（唔該曬！）我哋跟SET叫，DINNER SET（$168加一）有湯、前菜、主菜同飲品。我哋揀嘅湯同前菜都一樣，主菜同飲品都唔同。值得一提嘅係，呢度食完可以繼續坐，兩小時之後，飲品可以免費任添！真係好抵！啱晒吹水喇！湯係忌廉湯，不太特別，不過有枝餅乾可以點住嚟咬下食下，就特別咗囉。前菜就係香煎鵝肝多士。其實我唔係好鍾意食鵝肝，有得揀都避免揀，不過跟餐有就無得避啦。好彩呢個鵝肝多士都算唔錯，鵝肝應該啱啱煎好就夾入去多士度，所以有啲餘溫，食嗰時仲暖暖哋，滑之餘有種入口即溶嘅感覺！多士烘得脆卜卜，正！主菜分別係8安士嘅安格斯肉眼牛扒同埋半隻香草燒鷄！扒大過我手掌，好大塊，雖然係薄身嗰種，但我目測覺得應該唔止8安士呢。扒唔算韌，切得幾輕鬆。食落都算有肉味，而脂肪部位入口超甘香，百幾蚊嚟講，質素唔錯。燒雞雖然得半隻

經過食肆林立的大南街，發現了這間特別的酒吧餐廳。食物唔錯，價錢又平，最重要係坐得舒服！仲有電子飛鏢機同可以唱K！仲有波睇！的確係要推介下！餐廳提供晚市套餐，價錢相當實惠，吸引著我進來。Set dinner 包括餐湯、香煎鵝肝多士及一款主菜。是日主菜有四款選擇，安格斯肉眼牛扒、香草烤雞、煎石斑忌牛油忌廉汁和菠菜蟹肉天使麵等等。忌廉粟米湯味道很好，香煎鵝肝甚為出眾，外表煎得焦香，內裡嫩滑，有入口即化的口感。鵝肝配上底層吸收了鵝肝甘香油脂的脆脆多士，非常好吃。安格斯肉眼牛扒很大塊，或許已超過了原本的八安士了。牛扒肉質鮮嫩，肉香十足，筋位香味更見濃郁。脂肪位置更入口即化，牛香豐富。很開心又成功食到我很喜歡的美食之一，「黑松露什菌意大利飯」。這個飯的特點就是有一點外軟內韌的感覺，香味非常濃郁，很Creamy的，吃一點就很易飽喇。餐廳設有超廣闊的大屏幕，主要供唱卡拉ok 之用。大屏幕旁有兩部飛標機，供客人玩樂。另外尚有多部電視，播放著體育節目。服務員在聊天間提到，晚上繁忙時段包場四小時，最低消費才萬多元。一大群朋友包場開生日會、唱k、睇波，是不錯的選擇。

在太子遊走到九時多，肚子不停響起飢餓的警號。走到食肆林立的大南街，發現了這間特別的酒吧餐廳。餐廳提供晚市套餐，價錢相當實惠，吸引著我進來。Set dinner 包括餐湯、香煎鵝肝多士及一款主菜。是日主菜有四款選擇，安格斯肉眼牛扒、香草烤雞、煎石斑忌牛油忌廉汁和菠菜蟹肉天使麵。惠顧Set dinner，可享法國紅酒或strongbow 蘋果汽酒兩小時任飲，整個set dinner 每位才$168。忌廉湯味道較淡，未覺特別。香煎鵝肝則甚為出眾，外表煎得焦香，內裡嫩滑，有入口即化的口感。鵝肝配上底層吸收了鵝肝甘香油脂的脆脆多士，非常好吃。安格斯肉眼牛扒很大塊，或許已超過了原本的八安士了。牛扒肉質鮮嫩，肉香十足，筋位香味更見濃郁。脂肪位置更入口即化，牛香豐富。石斑被煎得外皮焦香，肉質鮮味又嫩滑。牛油忌廉汁調配得很香濃，魚柳沾著味道匹配的忌廉汁更顯美味。兩款主菜搭配的薯蓉份量差不多有滿滿一飯碗之多，非常夠飽。餐廳設有超廣闊的大屏幕，主要供唱卡拉ok 之用。大屏幕旁有兩部飛標機，供客人玩樂。另外尚有多部電視，播放著體育節目。服務員在聊天間提到，晚上繁忙時段包場四小時，最低消費才萬多元。一大群朋友包