嚐越 (已結業)

毕业后已经有好耐无见过d同学，于是近日终于的起心肝去约佢地出黎食饭，我地就拣左就脚又多野食拣既九龙湾徳福商场去开餐，行左一阵就去左新开既尝越~以前既尝越较细，灯光又较暗，而现在既尝越就搬左去隔离，更大之余仲好光猛，装修设计行简约路线，感觉好干净！坐低后我地就叫到成枱都系食物，咁开心就梗系要相机食先喇~~前菜我地拣左水晶软壳蟹米纸卷，口感清新开胃，软壳蟹炸得金香美味，沾上越式鱼露下，口感就更是鲜味醒神，食在口中尤感满足，好味道~~再黎就系朋友w好想食既咖哩面包虾，黎到时貌相不俗，虾好大只之余，更是弹牙入味，加上份量颇多，而且又唔辣，外层面包更是烘得软香爽脆，以面包沾取咖喱汁夹上鲜虾食用下，尤是美味无穷，食得我们都纷纷赞好！跟住出场就有炒得刚刚好又唔老既马拉盏炒嫩菜，菜身爽口，唔会太咸，甚是野味~最爱食饭既A朋友就叫左个原个菠萝咖哩海鲜炒饭，饭底炒得香口唔干身，咖哩带香而唔辣，加上鲜虾及其他海鲜和肉松下，就倍感鲜味，份量亦颇多，都算唔错！而身为食肉兽的我就拣左香茅炭烧猪颈肉， 份量虽然唔算好多，不过都好入味，边皮位置烧得微焦，很是香口，加上沾上甜甜酸酸的泰式酱汁下，更是滋味无穷！经过一轮大