影片
更多
2010-03-23
262 浏览
一年一度嘅师傅诞虽然刚刚过左, 但一班好友亦一早约实师傅于上星期六晚食饭庆祝, 搅左一个好友齐贺师傅诞嘅饭局, 而地点就拣左呢间食店! 坦白讲呢间食店个大名就听得多, 但师傅就从来都未试过, 既然如此, 师傅当然留定个肚食餐饱啦! 睇下个时间, 断估师傅都冇迟到, 应该算准时添, 不过去到已经见到一众好友们都到左, 似乎佢地比师傅还要心急, 哈哈! 人未齐时, 当然系嗒番两杯嘅最佳时间喇, 于是师傅就攞左两枝红酒出黎饮, 值得一提呢间食店系冇开瓶费, 所以自备美酒系冇问题嘅! 人齐后当然就要柯打野食啦, 好彩席间有食神嫂负责发板, 令一众好友可以忘掉呢个难题! 最后柯打左咩, 师傅当然唔知啦, 但呢一刻食饱后当然可以一次过讲晒出黎! 一行十三人, 柯打左豉椒炒花甲, 豉油炒鹅肠, 虾子柚皮, 金牌即烧乳猪, 泥鯭粥, 蚝仔菜脯炒蛋, 豉油王炒面, 啫啫生菜煲, 盐烧茄子, 川椒鸡球, 生炒肉排, 干炒牛河! 道道菜式看出来平平无奇, 食落后先知咩一回事!第一道菜登场系豉椒炒花甲, 举杯过后当然系起筷, 好友们真系俾面一定要师傅剪彩, 如果唔系师傅相信大家一定守礼拜; 师傅当然不敢怠
睇下个时间, 断估师傅都冇迟到, 应该算准时添, 不过去到已经见到一众好友们都到左, 似乎佢地比师傅还要心急, 哈哈! 人未齐时, 当然系嗒番两杯嘅最佳时间喇, 于是师傅就攞左两枝红酒出黎饮, 值得一提呢间食店系冇开瓶费, 所以自备美酒系冇问题嘅! 人齐后当然就要柯打野食啦, 好彩席间有食神嫂负责发板, 令一众好友可以忘掉呢个难题! 最后柯打左咩, 师傅当然唔知啦, 但呢一刻食饱后当然可以一次过讲晒出黎!
一行十三人, 柯打左豉椒炒花甲, 豉油炒鹅肠, 虾子柚皮, 金牌即烧乳猪, 泥鯭粥, 蚝仔菜脯炒蛋, 豉油王炒面, 啫啫生菜煲, 盐烧茄子, 川椒鸡球, 生炒肉排, 干炒牛河! 道道菜式看出来平平无奇, 食落后先知咩一回事!
第一道菜登场系豉椒炒花甲, 举杯过后当然系起筷, 好友们真系俾面一定要师傅剪彩, 如果唔系师傅相信大家一定守礼拜; 师傅当然不敢怠慢, 以免阻碍大家食野嘛, 就等师傅讲讲豉椒炒花甲先, 花甲新鲜大只, 卖相一流, 入口后发觉肉身鲜甜爽口, 冇沙, 而豉椒味亦唔会太浓, 所以食到有豉椒𠮶种惹味亦冇减低花甲本身嘅鲜甜味, 作为第一道菜, 水准真的不错; 接住落黎系豉油王鹅肠, 一碟大排档甚至茶餐厅都可以食到嘅𩠌菜, 看似平平无奇, 但入口发觉又一高水准, 鹅肠系非常之爽口, 一d韧都冇, 而伴碟炒嘅银芽, 爽口得黎冇腥味, 而豉油炒亦唔会过咸, 味道洽到好处, 唔需要用味菜黎炒亦能钓起味道, 真系好正, 唯一可惜系师傅不能多吃!
虾子柚皮系一道师傅平时唔会柯打亦唔会试嘅菜式, 但食神嫂话值得一试, 所以师傅亦有一试, 柚皮本身炆得好腍, 亦唔会有少少苦涩味, 虾子亦算香, 入口绝对唔会抗拒, 但算师傅唔识欣赏, 不过亦唔反感; 金牌即烧乳猪系呢间食店嘅名菜之一, 绝对系必食之选, 乳猪烧得好靓, 而乳猪皮亦片得好薄, 入口卜卜声, 香脆之余亦一d都唔油腻, 真系超正, 绝对系必食; 泥鯭粥一锅, 闻一闻少少腥味都冇, 唔讲都唔知系泥鯭粥, 而入口发觉粥底好绵, 肉里嘅泥鯭拆晒骨, 泥鯭肉颇鲜甜, 唔鞋口, 师傅真系好耐冇食过咁正嘅泥鯭粥喇, 掂呀!
蚝仔菜脯炒蛋嘅菜脯份量唔会太多, 但蚝仔就略嫌少d, 蛋就炒得非常滑, 香而不油, 不错; 豉油王炒面亦系食神嫂推介嘅另一菜式, 面炒得香之余亦唔觉油腻, 唔需要用咩配料, 净系芽菜同韮王, 加上豉油就能炒得出咁香咁爽嘅面, 冇得顶; 啫啫生菜煲卖相好得, 生菜鲜绿, 望埋去已经知道生菜会好爽口, 而虾酱味真系好香, 不过师傅冇食到呢道菜, 所以不便评论!
盐烧茄子望埋去还以为系玉子豆腐, 但入口后师傅还以为真系食紧玉子豆腐, 盐烧真的香口, 但茄子绝对唔似茄子, 茄子松软滑身, 非常可口; 川椒鸡球整道菜并冇咩特别, 相信大家纯粹想食, 不过师傅觉得鸡球比较咸, 所以扣少少分; 生炒肉排嘅醋酸味唔会太劲, 所以入口酸酸甜甜, 极开胃, 加上肉挂系半肥瘦, 亦都炸得松脆, 而且骨唔多, 对于师傅呢d懒人, 呢下真系加分架; 最后系干炒牛河, 干炒牛河反而一般, 唔算特别吸引师傅, 加上食到有少少㶶味, 可幸㶶味唔会太劲, 接受到啦!
总括黎讲食物质素绝对高水准, 环境亦算舒服, 如果个冷气可以开大少少会更好, 服务态度不错, 价钱应该系接受到, 虽然师傅唔需要比, 但亦大概知道十二位, 每位百四蚊到啦; 是次晚餐师傅真的非常开心, 笑脸当然走唔甩啦, 如果有机会师傅还是想再黎多一次, 净系只乳猪已经值回票价啦!
师傅亦想籍住呢个机会向当晚招呼嘅侍应送上万二分嘅谢意, 皆因全晚一个人任劳任怨, 面不改容, 而且态度系非常之友善, 𠮶种态度𠮶种专业实在值得表扬, 好友们对呢位哥仔无一不赞, 而呢位哥仔嘅名字叫 “阿宝”! 最后师傅衷心多谢一班好友嘅安排, 令师傅有一餐非常开心, 美味而满足嘅晚饭, “多谢您们”!
张贴
