Dodam Chicken (利舞臺廣場)

营业中

休息中

最近啱啱去完韩国旅行，返嚟香港冇几耐又想想去食韩国菜，所以决定再次拜访之前试过嘅Dodam Chicken。𠮶日晏咗收工，八点几先去到餐厅，不过仍然系差唔多坐满全场，好热闹。店员好好人，帮我哋两个安排坐卡位，坐得又阔落又舒服。双重芝士面包辣烤鸡辣炒鸡调味好到位，好香好惹味，又唔会过分辣，烹调时间啱啱好，令鸡保持嫩滑。面包上面淋左好多芝士，好邪恶但系好好食，作为芝士嘅粉丝真系食到唔停口黑松露卡邦尼炒年糕真系好有创意嘅菜式，系西式同埋韩式菜嘅fusion。年糕煮得啱啱好，超级烟靭，卡邦尼酱汁好香浓Creamy，估唔到咁样配埋可以咁夹。牛排骨汤牛排骨汤用石锅作为摆盆，一嚟到嘅时候仲滚紧，帮助个汤系成个食嘅过程都一直保到暖。汤嘅份量十足，而且啖啖鲜甜，仲有好香浓嘅牛味。汤入边嘅牛肉仍然保持肉汁，唔会煲到冇晒味。