影片
更多
2009-12-28
8 浏览
今日同同事两人食lunch，之前我地多数食茶餐，今日想食汤面，但我地最爱既米线执左，唯有另觅新既心头好，所以黎呢度一试…结果系 - 无下次 状元手撕鸡喇沙蒙粉：喇沙唔似喇沙，鸡肉唔滑，鱼片唔似鱼片。一句讲晒，食得饱你啰。 餐饮 - 热柠水：我甚少提餐饮，但今次不得不提！一杯热柠水入面有三片超薄柠檬，师傅刀功好不在话下，仲要切到好似比人笃过既甘先利害！加上杯热柠水入面有柠檬洗洁精味…怕怕…服务态度：张卡位好窄，坐四个人真系好迫，如果系多人等位，我地都无怨言，仲会食快d，让个位出黎比人做生意。但当日，我地要求调位时已1:15pm，有几张吉左出黎，又见无人等位所以先要求调位，谁知态度同语气好差既店员表示就算有吉位，到再有客黎都系要贯切佢地既 "卡位一定坐四个人" 既理念，又称调会好麻烦…等等。我地见一个要求，换来十句抱怨，唯有放弃，望佢地收声…古惑既餐牌：可能系我中文水平较差，或者佢真系古惑，餐牌写： "以上配 咖啡或茶
状元手撕鸡喇沙蒙粉：喇沙唔似喇沙，鸡肉唔滑，鱼片唔似鱼片。一句讲晒，食得饱你啰。
餐饮 - 热柠水：我甚少提餐饮，但今次不得不提！一杯热柠水入面有三片超薄柠檬，师傅刀功好不在话下，仲要切到好似比人笃过既甘先利害！加上杯热柠水入面有柠檬洗洁精味…怕怕…
服务态度：张卡位好窄，坐四个人真系好迫，如果系多人等位，我地都无怨言，仲会食快d，让个位出黎比人做生意。但当日，我地要求调位时已1:15pm，有几张吉左出黎，又见无人等位所以先要求调位，谁知态度同语气好差既店员表示就算有吉位，到再有客黎都系要贯切佢地既 "卡位一定坐四个人" 既理念，又称调会好麻烦…等等。我地见一个要求，换来十句抱怨，唯有放弃，望佢地收声…
古惑既餐牌：可能系我中文水平较差，或者佢真系古惑，餐牌写：
"以上配 咖啡或茶 或 绿茶啫哩冰 (加$5)"
以我既理解系，热既咖啡或茶，当然系唔洗钱，如果饮绿茶啫哩冰先要加$5。但其实唔系，事实系你要野饮就要加$5！我唔系想同佢讨回$5，$5一杯餐饮我比得起，但$5换黎系杯甘既野，条气有d唔顺啫… 仲要个餐牌写d唔写d，喇沙汤就跟檬粉，转其他就要加$5，有d咩转同加几钱转，呢d information全部都系你要问店员先知，好似有d海鲜价甘既feel 啰 …同埋如果我唔问，要到上我先知我食咩粉？好古惑啫
总括而言：你可以用35蚊食其他令你有饱肚感觉既野，无必要黎呢度贴钱买难受。
张贴
