Terrace in seaside (海運大廈)

营业中

休息中

海港城开左好多新餐厅, 呢间门口挂住好多柑橘既韩国野大排长龙, 人气超高!见到每张枱都有叫柑橘既野饮, 真系好可爱, 所以我地都叫左杯柑橘乳酪, 酸酸甜甜好饮又岩打卡!炸鸡都几抵食, 我地叫左份无骨酱油炸鸡, 岘肉饭, 鸡胸沙律, 仲有甜品~炸鸡好大份, 呢到只系半份! 上枱果下已经觉得好开, 而且每件炸鸡都有酱汁既coating, 包裹得好好!所以每一啖都有汁, 而且淡淡肉, 又juicy好食, 最钟意上面有几条炸年糕, 岩晒烟韧控!岘肉饭个卖相好得意, 会压平晒, 本身都未食过呢样野, 原来系类似泡菜炒饭, 所以少少辣, 好香口, 粒粒分明!鸡胸沙律好清新, 鸡胸好滑, 就算无汁都好好食~最后就系甜品! 我地食左水果忌廉三文治同埋士多啤梨tiramisu, 本身以为水果忌廉三文治会好重cream, 但我估佢系加左cream cheese(?)所以会好thick, 唔漏, 配埋生果好夹好好食~而士多啤梨tiramisu系无咖啡既, 其实就系士多啤梨加蛋糕咁上下, 上面仲有层白朱古力酱, 好似食紧草莓白朱古力甜品咁, 好幸福既感觉!