簡單廚房 (已結業)

今日又去左朗豪坊,下午茶时间又唔知食咩,咁岩又见到依个好简单既简单厨房,系外面睇都好似几正咁,所以就决定左入去试下.我地一行四个人就入左去,下午茶时间D餐都几多选择,我自己就拣左个鸡肉菠菜阔面,味道十分好呀,而且好够浓,鸡肉都唔太硬身,软软地几好味,而且都好多,不过成份野既整体份量就少左,不过下午茶黎讲系够既,下午茶餐仲有野饮送,价钱系依个商场系讲算系唔错嫁。而且服务员既服务同态度完全冇问题,仲好好服务要咩有咩,叫水就有水,上菜都好有礼貌,叫埋单都好快拎张单黎,咩都好快手,后来先知道原来系艺人开既,不过我觉得佢名气唔够,如果可以再出名D既应该都吸引到好多人,今次见到佢Dcake都好似好正咁,下次有机会再去就食下佢D CAKE喇。