尚點 小籠包.上海麵館 (置富第一城) (已結業)

开学后小编少左出去食好西，平日食lunch通常都系颓颓地附近解决～ 不过讲真第一城黎黎去去都系食𠮶几间😂，今次介绍嘅尚点系其中一间餐厅，主打上海菜，呢度嘅午市一人套餐好丰富，无论系前菜、主菜、定饮品都选择多多。先讲前菜，小编最喜欢就是凉拌粉皮，食落滑溜溜，花生酱都好香～ 好开胃！主菜方面，我地叫左嫩鸡煨面、担担面、雪菜肉丝炒年糕一齐开心share。嫩鸡煨面唔错，虽然鸡肉唔算嫩，但胜在够清，汤底都好好饮；至于担担面，唔食辣既小编好欣赏可以拣唔辣，食落花生酱好浓郁；炒年糕系烟韧控之选，好好咬口！总共有成10款主菜配搭可以拣，唔够仲可以加小食添，试过红油抄手都几正！再加埋个养颜既黑芝麻豆浆做饮品就perfect池啦！