老川皇

营业中

休息中

第一次喺香港食到咁好食嘅鲜花椒田鸡！喺大陆食过好多都一般，呢度虽然餐牌上面张相影得唔系咁靓，但系店员都觉得呢个𩠌值得推介，佢话会有啲酸辣嘅感觉，所以我同朋友就即管试吓，都唔知道田鸡好补身所以都蠢蠢欲动。果然没有令我失望，鲜椒田鸡用咗唔同嘅花椒、姜、指天椒、青椒同灯笼椒等等。个汤已经好香，充满不同辣椒的独有味道。而且田鸡嘅数量真系好多，一路食一路啜，𠮶啲肉好弹牙同埋滑身，食完之后个胃仲好暖！而且个汤里面有唔同嘅莴笋同埋酸萝卜，令人特别开胃，真系要叫多几碗白饭黎送㗎。之后仲有个红油猪耳值得推介，佢有好多好多芫荽，啲红油唔太辣，食落去猪耳又够脆，而且切得好薄身，唔会觉得好痴牙。仲有个四川凉面，可以走辣㗎，唔食辣嘅朋友可以试吓，好有四川嘅特色，上面有花生同埋麻油，真系香喷喷噢！