影片
更多
2011-05-11
18 浏览
以前一听见大角咀，就会觉得大角咀大旧楼、工厂、一D旧式船厂，环境唔多OK。不过而家又唔同咁讲啰，宜家大角咀劲多食肆，有D 店成日系OPENRICE 榜上有名 ~ 今次写食评讲下香港楼系因为这间舖处于搅笑地带，话说这间舖的大厦开售的时候，路过此地听到D AGENT 打电话SELL 大陆客， 同佢地讲呢度邻近港铁奥运站，去中环呀、IFC 话都冇咁快到㖞，重话高层单位能俯瞰维港夜色? 实情系个VIEW 俾前面D大厦挡晒啦，话邻近港铁奥运站? 邻近九龙大酒店至真 ! 听到D AGENT 咁样SELL 楼，真系觉得劲搅笑啰…OK，唔讲楼，写番食评，虽然呢间舖位置都几隔涉，但都无损我寻找美食的兴趣，普遍其他人对呢间店的食评食得都几好，我都觉得唔错㖞，系可以食完再黎的三文治店。店内环境好，有免费WIFI，光线充足开扬，与隔离枱的空间充足，唔会有挤逼的感觉，场内干整，洗手间清洁。唯一不足的是我觉得凉气唔多够凉，有D 焗，同埋佢地个PANTRY 系开放式，有时候煮D热食有D油烟味供埋黎，可以的话，冷气开大D、抽风好D既话，咁就好OK架啦。系度食三文治套餐如果系饮汽水同食薯条呢D小食，就唔驶加钱。如果转其
不过而家又唔同咁讲啰，宜家大角咀劲多食肆，有D 店成日系OPENRICE 榜上有名 ~
今次写食评讲下香港楼系因为这间舖处于搅笑地带，话说这间舖的大厦开售的时候，路过此地听到D AGENT 打电话SELL 大陆客， 同佢地讲呢度邻近港铁奥运站，去中环呀、IFC 话都冇咁快到㖞，重话高层单位能俯瞰维港夜色? 实情系个VIEW 俾前面D大厦挡晒啦，话邻近港铁奥运站? 邻近九龙大酒店至真 ! 听到D AGENT 咁样SELL 楼，真系觉得劲搅笑啰…
OK，唔讲楼，写番食评，虽然呢间舖位置都几隔涉，但都无损我寻找美食的兴趣，普遍其他人对呢间店的食评食得都几好，我都觉得唔错㖞，系可以食完再黎的三文治店。
店内环境好，有免费WIFI，光线充足开扬，与隔离枱的空间充足，唔会有挤逼的感觉，场内干整，洗手间清洁。唯一不足的是我觉得凉气唔多够凉，有D 焗，同埋佢地个PANTRY 系开放式，有时候煮D热食有D油烟味供埋黎，可以的话，冷气开大D、抽风好D既话，咁就好OK架啦。
系度食三文治套餐如果系饮汽水同食薯条呢D小食，就唔驶加钱。如果转其他小食同饮品，就按各项目收费。
叫左两个三文治套餐，TOTAL HKD 84
鸡蛋沙律三文治套餐 HKD 29
转HERO’S 焗薯 + HKD 8
转冻蜂蜜绿荼12oz + HKD 4
吞拿鱼沙律三文治套餐 HKD29
转烟三文鱼凯撒沙律 + HKD 8
转冻格雷伯爵奶荼 12oz + HKD 6
我觉得价钱算OK㖞，如果唔转其他小食和饮品，都系HKD 29 啫，宜家去老M食个套餐都要廿几蚊啦。
三文治真系好OK，用料足、冇偷工减料，面包新鲜，烘过的面包皮香脆，热辣辣的，三文治最怕系食整定既，食即叫即整既先至好食 !
焗薯：好食，唔干身，捞沙律酱一齐食有D Creamy 的感觉，唔会鞋口。
烟三文鱼凯撒沙律: 生菜生鲜，鲜甜唔涩口，面包粒香脆，cheese 味浓郁，唯一美中不足我觉得烟三文鱼太少份量了，好似得几粒仔，哈哈。
饮品我就觉得不过不失啰，唔会有太大惊喜，今次饮的冻格雷伯爵奶荼和冻蜂蜜绿荼只属一般，可能其他特饮应该会好D卦，如果系只想黎呢度食个好味既三文治，唔好转野饮啰，饮汽水就OK 啦。
如果呢间店对饮品加多D心思，我觉得生意会更好啰~ 通常出色CAFÉ & 轻食店，都会有王牌的饮品架，加油 ~ 有HEART 整野食既餐厅，实会KEEP到熟客既～
张贴
