金子半之助 (荃灣廣場)

营业中

休息中

今日去左金子半之助，一间充满典雅嘅日式装饰同亲切氛围嘅日式小店，店内摆放木制家俱同装饰品，比人一种温暖舒适嘅感觉，还原返东京店嘅风格。主要食天妇罗嘅丼，叫左个江户前天丼同埋呢个只系荃湾店限定推出嘅松花堂御膳，系日本家传户晓嘅日本怀石料理，田字型便当饭盒分割成多个小格，极具和风特色。食物款式多多，每小格分别有刺身、迷你沙律、玉子烧、天妇罗、豆腐同凉拌茄子，另外配白饭同味噌汤。天妇罗包括南瓜、莲藕、小柱鱿鱼天妇罗饼、海老、荚豌豆。天妇罗系采用左日本特制高级胡麻油，所以天妇罗炸得酥脆、更为芳香扑鼻，而色泽亦会较深。天妇罗海老口感结实不会粉，荚豌豆好清甜，小柱鱿鱼天妇罗饼外脆内软，口感丰富，每一样都好好食。日式凉拌茄子，入口清爽，茄子肥美肉厚，好香麻油味，味道带有少少甜，加入柴鱼口感更好。豆腐细腻滑嫩，口感极为细腻，简单而美味嘅料理。玉子烧，一道非常传统嘅日式蛋料理，蛋香味浓。迷你沙律里面有新鲜嘅蔬菜，而沙律酱汁甜甜酸酸，非常开胃，食完天妇罗再食下沙律菜都系一个非常好嘅配搭。江户前天丼有穴子、海老、小柱鱿鱼天妇罗饼、温泉蛋、海苔、荚豌豆，附送味噌汤，份量都几大。穴子即系「星鳗｣，同一般鳗鱼相比