老鍋台式火鍋 (京都廣場) (已結業)

好耐都冇去食火锅啦，今次咁啱出开嚟铜锣湾，想食一餐好食嘅火锅，最后左拣右拣就拣咗呢一间老锅台式火锅。火锅底叫左酸菜白肉锅，酸酸辣辣咁样都几开胃㖞，有少少酸菜鱼嘅即视感哈哈，然后仲有啲薯粉几好食，烟烟韧韧，弹弹牙牙。叫咗啲鱼皮饺同埋梅菜丸，个梅菜丸真系好得意㖞，食落去好似梅菜蒸猪肉咁，只不过变咗一粒波，几有特色，鱼皮饺都唔差。然后嗌咗个夜市炸臭豆腐小食，炸得几脆，但一定要加汁食，如果唔系个口味会有啲淡。