The Grove (已結業)

最近得知土瓜湾新开左一间台式咖啡店，钟意食台湾嘢嘅我当然唔会错过啦。首先讲吓餐厅嘅环境先，餐厅有用到落地玻璃所以啲光线几充足，影相来讲其实都影得几靓。之后就讲下嘢食啦，介绍下小食先，我觉得餐厅嘅黄金芋圆球畀到惊喜我❤️，咬落去嘅口感够晒酥脆，而且入面都有少少流心添！我觉得餐厅嘅葱肉馅饼一样咁正，入面嘅葱肉馅够晒热辣辣～点埋餐厅特制嘅酱汁，简直系一个完美嘅配撘。系时候介绍下主食啦，首先介绍嘅就系餐厅招牌-阿ROY牛肉面。我觉得佢系我食过嘅牛肉面当中做得最出色架，唔单止面质够爽口，牛肉够软淰。连个牛肉汤底都好完美，少少嘅辣味唔会盖过牛肉味之余，仲相当醒胃。之后想介绍嘅系鲁肉贝果配地瓜条，蕃薯条炸得好脆且不油腻。而贝果配鲁肉嘅配搭都好新鲜，食落去其实冇违和感架！最后饮品方面嘅质素都好好，黑糖姜茶喺呢个天气饮有助驱寒，珍珠奶绿嘅珍珠都做得好Q弹！诚意推介大家嚟呢间新店度享受下台湾美食❤️