PizzaExpress (康怡廣場北座) (已結業)

发觉呢排嘅天气真系好适合外卖，所以今次我都决定买外卖同屋企人一齐食。今次介绍嘅餐厅相信大家都唔陌生，就系PizzaExpress啦。即刻同大家介绍吓我𠮶日外卖咗啲咩嘢食啦，首先想讲嘅意式焗肉丸，我觉得肉丸个口感好实在。加上佢系用蕃茄酱调味嘅，所以都算系一个几开胃嘅小食。之后想讲吓嘅就系鸡肉苹果沙律，我想讲呢个沙律真系健身人士嘅恩物，佢个沙律系用咗火箭菜去整嘅，另外佢嘅鸡肉都唔会太油腻。再加埋好爽口嘅青苹果，成个沙律真系超级低卡路里，够晒健康！然后喺Pizza方面首先我想讲嘅就系番茄新猪肉薄饼，相信大家都知道新猪肉系咩嚟。顾名思义就系素嘅猪肉，但系我识嘅时候真系完全唔觉得系素食。佢一样系有猪肉个口感同埋猪肉嘅香味。我自己就好满意啦！之后第二款想介绍嘅Pizza就系羽衣金兰蘑菇松露薄饼，我觉得呢个Pizza真系做得好香，首先蘑菇同松露真系好夹。再加埋羽衣甘蓝焗左之后都一样食到佢本身嘅香味，屋企人都一样好钟意呢款pizza。