美心烘焙所 (中華總商會大廈)

营业中

休息中

最近唔知点解特别想喺烘焙店觅食，今次就去咗位于中环嘅烘焙所揾吓有冇啲咩吸引嘅嘢食。今次系𠮶度收获丰富呀，即刻讲吓我𠮶日买咗啲咩食。首先想介绍吓法式布甸面包，我觉得呢只布甸面包真系好正，无论系热食叮咚食个布甸都一样咁出色。之后想介绍嘅系沙翁，其实沙翁系港式怀旧糕点之一嚟㗎，我自己就好钟意食沙翁啦。因为佢脆薄嘅表皮同埋入边松软嘅质感，仲有充满蛋香又香甜嘅味道，真系得沙翁呢款充满香港情怀嘅糕点先满足到我。另外我都好钟意食朱古力嘅糕点㗎，所以我今次拣咗法式朱古力挞，法式挞嘅朱古力味都好浓。另外朱古力麻薯波都有啲朱古力粒喺入边，好有惊喜。最后就想讲吓三重芝士包，呢个三重芝士包选用咗美国车打芝士拉、车打芝士碎同芝士酱，所以个芝士味真系好浓，啱晒钟意食芝士嘅人。