霸嗎拉麵 (德己立街)

营业中

休息中

最近上网见到有一间好吸引嘅拉面店，钟意食拉面嘅我就当然叫埋朋友一齐食啦。呢间位于中环嘅霸吗拉面之前都有食过㗎啦，不过今次就见到佢有期间限定嘅拉面，所以就决定试吓。讲返餐厅个环境先，餐厅个空间都几足够。无论系自己一个食定系同朋友一齐食都会有足够嘅空间享受拉面，之后就讲吓拉面啦。首先想介绍嘅拉面系期间限定嘅松叶蟹肉蟹膏软壳蟹拉面🍜，想讲我真系好满意呢个拉面，唔单止卖相够靓，成只完整嘅软壳蟹放喺拉面上面，蟹膏食落都好鲜甜，蟹肉嘅颜色都好靓。个汤底充满着蟹嘅精华，钟意食蟹嘅我觉得真系冇得输。至于我朋友就叫咗个辛辣炙烧豚肉味玉子拉面，炙烧豚肉够晒大块，仲要炙烧过后嘅颜色好靓，咬落软嫩多汁。再加埋有少少辛辣汤底嘅味道，令到成碗拉面更加开胃。绝对系一间好有水准嘅拉面店，诚意推介大家嚟试吓啦。