影片
更多
2022-10-02
48 浏览
最近唔知点解胃口特别好，所以呢排都想揾返一间放题去满足返自己个胃口。今次就听朋友嘅推介去咗一间位于旺角嘅烧肉放题餐厅，等我可以喺呢餐入边尽情咁去食。餐厅个环境都有趣。餐厅个名叫做神灯烧，所以喺餐厅入边都会感受到少少阿拉丁嘅风味㗎，另外喺每张枱都会放咗个神灯，够晒应景。因为餐厅个位置系位于地库嘅，所以其实几有神秘感之余，又有返去旅行食烧肉嘅感觉。𠮶日我同朋友就叫做一个Level5嘅套餐，所以选择其实都几多㗎。而家就等我嚟讲一啲我食咗之后比较深刻嘅嘢食。鹿儿岛A4和牛肉眼盖A4和牛嘅属性令到佢嘅口感更加丰富之余，都同时感受到油脂嘅香味。佢放入口系真系接近入口即溶嘅状态，令我都忍唔住嗌多几份。和牛他他平时都好少机会食和牛他他，因为可以生食嘅和牛其实都唔常见。今次食呢份他他佢唔算话调味好浓，透过溶咗啲酸酸地嘅调味成功突出到和牛本身嘅香味。另外佢个卖相本身都够晒赏心悦目，真系睇得又食得！澳洲M9和牛西冷呢块和牛西冷同样比到我好大嘅惊喜，除咗佢本身够晒大块之外。另外佢个口感其实都做得好软嫩，食落唔会有太多筋。系非常高质素嘅和牛西冷，啱晒食肉兽！刺身虽然餐厅系主打烧肉放题，但系其实佢个刺身都做得好出
餐厅个环境都有趣。餐厅个名叫做神灯烧，所以喺餐厅入边都会感受到少少阿拉丁嘅风味㗎，另外喺每张枱都会放咗个神灯，够晒应景。因为餐厅个位置系位于地库嘅，所以其实几有神秘感之余，又有返去旅行食烧肉嘅感觉。
𠮶日我同朋友就叫做一个Level5嘅套餐，所以选择其实都几多㗎。而家就等我嚟讲一啲我食咗之后比较深刻嘅嘢食。
鹿儿岛A4和牛肉眼盖
A4和牛嘅属性令到佢嘅口感更加丰富之余，都同时感受到油脂嘅香味。佢放入口系真系接近入口即溶嘅状态，令我都忍唔住嗌多几份。
和牛他他
平时都好少机会食和牛他他，因为可以生食嘅和牛其实都唔常见。今次食呢份他他佢唔算话调味好浓，透过溶咗啲酸酸地嘅调味成功突出到和牛本身嘅香味。另外佢个卖相本身都够晒赏心悦目，真系睇得又食得！
澳洲M9和牛西冷
呢块和牛西冷同样比到我好大嘅惊喜，除咗佢本身够晒大块之外。另外佢个口感其实都做得好软嫩，食落唔会有太多筋。系非常高质素嘅和牛西冷，啱晒食肉兽！
刺身
虽然餐厅系主打烧肉放题，但系其实佢个刺身都做得好出色㗎。令我最深刻嘅就一定系三文鱼刺身，咁啱𠮶日佢系俾咗三文鱼腩我食，入口已经感受到三文鱼本身嘅油脂香味。就算唔使点豉油都一样咁好食，另外带子同埋贝类刺身都做得好好，食落够晒有鲜味，真系就咁睇个卖相就已经知道有几咁新鲜。
升级水产
讲到烧肉放题就紧系唔可以唔讲埋水产，我自己觉得水产拎去烧，真系会食到另一番嘅香味。蒲烧鳗鱼本身够晒嘅调味已经好足够，拎鳗鱼个人认为更加可以带出鳗鱼本身嘅鲜味，可以尽情食鳗鱼嘅感觉真系好难得。蒜蓉开边烧虎虾真系睇到个名都流晒口水，相信大家都知道蒜蓉系几咁夹烧海鲜。蒜蓉嘅存在令到虎虾嘅味道多咗一番层次。唔单只系本身嘅鲜味，仲有埋蒜蓉嘅阵阵香味。
凉粉冰
一开始我就叫咗一杯凉粉冰。结果送到上嚟先知，原来佢系咁大杯㗎，真系见到个卖相就已经觉得好适合打卡。有一刻甚至觉得自己做咗大胃王，讲返饮品嘅味道先，佢唔算话太甜，都几适合我同埋凉粉嘅数量都几多，叫做可以揾啲嘢咬下咁。
如果大家都留意紧烧肉放题嘅，我强烈建议大家试吓神灯烧啦。我𠮶日真系食到满载而归，非常之满足。
张贴
