愛上米線 (美輪大廈) (已結業)

听朋友嘅推介发现原来喺北角都有间好值得一试嘅米线。身为米线爱好者嘅我就点都要去试下佢嘅米线啦。牛魔王麻辣汤米线第一样要介绍嘅米线就系真材实料系列嘅米线。呢个米线真系啱晒食肉兽，入面一共有肥牛、牛丸同埋牛𦟌。睇咁睇个份量都见到有几足料，再叫埋中辣令到成碗米线变得更加开胃。饮返杯芒果乳酪梳打，完全感受到咩叫透心凉。呢个配搭我真系好满意。港式胡麻酸菜汤第二碗我想介绍嘅米线同样好吸引，本身都已经好钟意酸菜同米线嘅配搭，另外喺自选𩠌方面我叫咗鸡柳。鸡柳本身都好滑同埋唔碎，胡麻嘅效果令到成碗米线变得酸酸辣辣咁开胃。奇趣流心炸蛋都整得好好，食落唔会太油腻。大澳爆汁鸡翼之后呢款小食，绝对系我食过最好食嘅鸡翼之一，佢唔单止皮脆肉嫩之余。另外鸡翼嘅肉汁真系完美咁锁咗喺入边，名副其实做到爆汁嘅效果。以呢个价钱嚟讲真系好值得一试。如果大家都钟意食米线嘅，就一定要继续留意吓呢间餐厅啦。