澳葡牛奶餐室

营业中

休息中

最近上网见到一间都几多人推介嘅澳门茶餐厅。既然我咁耐冇去澳门，就当然要喺香港感受下澳门嘅味道啦。今次要介绍嘅餐厅系位于深水埗嘅澳葡牛奶餐室。 环境嚟讲其实都坐得几舒服，最吸引到我嘅就系喺橱窗上面嘅双皮奶同埋炖奶，真系望到都觉得吸引。葡挞正宗做法，热辣辣咁食好正。热杏汁炖奶杏汁味道浓，炖奶都炖得好先鲜滑。热正宗双皮奶双皮奶个口感好软滑，同埋奶味真系好浓，我自己好钟意。巨人猪扒包块猪扒真系好大块，就咁睇已经见到仲长过块包嘅直径。猪扒包食落都好入味，跟餐嘅薯条炸得好脆，热辣辣好好食。金莎生炸鸡脾生炸鸡髀皮脆肉嫩，唔会太油淋淋。鸡肉肉质好嫩，加埋咸蛋黄嘅金莎，我觉得真系好夹。炸马介休球喺澳门一定会试嘅小食，香港食一样风味十足，马介休球炸得香浓入味，够晒地道。如果大家本身都钟意食澳门嘅小食嘅话，呢间餐厅相信你哋会钟意。