火五越式牛肉粉專門店 (華生樓) (已結業)

今次同朋友去咗间位于太子嘅牛肉河专门店食午餐。间餐厅名系火五越式牛肉粉专门店，系其他地方都有分店架。我自己觉得嚟度火五就一定要食佢嘅火车头牛肉粉，佢个牛肉粉可以话系相当足料，例如有生熟牛肉、牛丸同埋扎肉，另外仲可以免费加粉。真系必食嘅选择。而我嘅朋友就叫咗香茅猪扒油香饭，本身好少机会可以试到油香饭，试完之后，觉得油香饭都有一番风味，黄油香饭令到成个饭嘅味道有所提升，同佢嘅香茅猪扒好夹。香茅猪扒，揸得非常好食另外都好够味。至于小食方面，就叫咗个丝网虾春卷，春卷炸得好酥脆，另外虾肉个口感都好弹牙，真材实料。饮品方面，我好欣赏佢嘅越式香滑浓咖啡，佢个咖啡味真系好重，如果想提神嘅话饮番杯真系帮到你。如果大家系想食下越式嘢嘅话，我觉得呢间餐厅绝对满足到你。