龍門小棧 (已結業)

今次就同朋友约咗周末一齐去食上海菜，今次食嘅系位于湾仔名为龙门小栈嘅餐厅，佢嘅上海菜式喺网上都备受好评㗎。上海担担面担担面可以话系我最钟意嘅主食之一，呢间餐厅嘅担担面面质弹牙，而且幼面食落都可以优雅啲。汤底带有啲微辣，仲有少少麻香味，所以都越食越开胃。另外都仲会有啲肉碎喺入面，粒粒分明够晒有口感。金网窝贴呢个窝贴嘅卖相真系好靓，会有层金网喺上面，证明煎嘅时候真系啱啱好，块金网脆脆地好好食，另外窝贴嘅肉馅都好足料，而且肉汁够饱满，可以话系皮薄馅靓嘅代表。上海小笼包上海小笼包绝对系食上海菜嘅必试之选，呢个小笼包入面嘅汤汁够饱满，而且皮真系够晒薄，就咁睇已经睇到入面嘅肉馅有几吸引，点埋姜丝食会更惹味。水晶肴肉呢个小食平时真系好少机会食到，睇返肴肉嘅卖相真系好似水晶咁，晶莹剔透。食落肴肉都好有层次，口感都略有弹牙嘅感觉，个人嚟讲好钟意。如果大家都钟意食上海菜就真系要试啦。