蚊蚊豬老火鍋 (已結業)

听朋友嘅介绍，话位于深水埗嘅一间任食火锅店嘅质素好高。钟意打边炉嘅我，就当然要试吓啦。喺火锅方面，我哋就叫咗真龙虾锅。个卖相真系好壮观，因为真系有原只龙虾系入边㗎，而且都好新鲜。另外餐厅嘅牛肉拼盘一样好高质素，分别有牛舌心，牛板腱，极上牛肩嫩肉同埋封门柳，所有嘅部份都带到应有嘅口感，真系食到停唔到口。就算你后尾再追加，质素一样唔会下降。另外我哋仲叫咗万州烤鱼，我哋选择咗手打浓鲜茄味。烤鱼嘅质素一样好高，唔单止鱼肉口感外脆内嫩，蕃茄汤底嘅味道同烤鱼一样配合，非常之开胃。另外都仲有好多款日式刺身，小食，饮品任嗌任食，真系食到好满足。如果大家都钟意打边炉嘅话，真系要来依度试吓啦！绝对唔会令你失望！