海言どんぶり専門店

营业中

休息中

呢日同屋企人去咗中环呢间日本餐厅食丼饭，打开餐牌，见到有好多选择。首先点左招牌既海言厨师发办鱼生饭，有十几款新鲜办既刺身，当中海胆香浓得嚟唔会太腻，入口即溶，啲大拖罗同中拖罗油脂分布均匀，肥美得嚟又唔会太油腻，仲有左口鱼同鲷鱼嘅鲜甜，真系惊喜连连。三文鱼籽爆口𠮶刻，咸香味即刻喺嘴度散开，配埋寿司饭，真系一个字：正！另外仲点左江户前散寿司，秋刀鱼好鲜，烧过𠮶阵微微嘅焦香味加埋肉质嘅脂香，真系好有层次感。墨鱼口感爽滑，咬落仲有少少弹牙，唔会粗糙。大拖罗同海胆一样系主角级，完全唔会输俾鱼生饭𠮶边嘅质素。仲有灸烧鱼，啲油脂加埋烧香味，完全系味蕾嘅享受！仲配埋沙律菜、蒸蛋同汤。