嘆撈

营业中

休息中

系屯门附近食完饭，当然要满足一下第二个胃，咁啱揾到依间叹甜品~ 虽然铺头细细地，不过野食嘅种类都叫多，有传统糖水、新式啲嘅糖水，同埋出哂名嘅窝夫！我地叫咗2个窝夫。焦糖脆脆花生酱甜奶鲜忌廉窝夫，顾名思义，窝夫上面有焦糖脆脆、花生酱同忌廉，仲有雪糕球，首先佢依到啲窝夫外脆内软，而且系成块上，啲花生酱够多够浓，基本上系可以每一细块嘅窝夫都可以沾满花生酱，真系估唔到窝夫同花生酱又几夹，平时好少食到依种味道嘅窝夫。士多啤梨鲜忌廉窝夫，士多啤梨份量多，真系好满足。睇得出好有心思，因为每个碟都会有只用朱古力酱画嘅猫咪，真系睇得又食得！