尚點 小籠包.上海麵館 (置富第一城) (已結業)

尚点系一间我好钟意嘅上海菜。最钟意就系佢哋嘅嫩鸡煨面，因为个汤底真系好好味，睇落白晒晒，不过好有味道，一啲都唔heavy，就算我平时唔太钟意咁面汤都觉得好好饮！呢个面仲有好多菜同鸡肉，又唔油，健康之选。间唔时就会好想去食。另外佢哋嘅素鹅都好好食，炸得好酥脆，好食过好多连锁店。呢度嘅炒年糕都唔错架，年糕炒得烟靭，系油咗少少，最重要系唔太咸。锅贴饺子嘅脆面，又薄又脆，饺子入面有好多汤汁，记得小心啲热汤汁，真系新鲜整架！至于口水鸡，唔系我钟意食，不过都ok， 唔算辣，不过就油啰。另外一样我好钟意去尚点食嘅就系佢哋嘅炒饭，虽然今次无叫，不过佢哋嘅炒饭真系好好食，好干爽，记得试下呀～