尚點 小籠包.上海麵館 (置富第一城) (已結業)

今日同妈咪到第一城探亲戚， 探完就喺𠮶度揾饭食 ，见到呢间餐厅非常多人等候， 我谂应该水准都唔错， 就入咗去食午餐。 睇下餐牌，选择都好多，就随便叫咗自选尚点四式凉菜、砂锅津白、雪菜肉丝炒年糕，见餐厅而家仲有蟹粉菜式供应，系妈咪最爱，就叫咗个金黄蟹粉小笼包同金汤馄饨俾佢试吓。好快就上菜喇，我拣嘅四式凉菜系熏鱼、香煎素鹅、四喜烤麸、凉拌茄子。摆设很讨好，凉拌茄子酱汁味道调校到少少甜， 拌冰凉嘅茄子一齐吃，很开胃。四喜烤麸啲冬菇做得很滑，与烤麸一同炆得很入味。熏鱼炸过，内里很松软，但表面仍保持脆脆地，有别于市面上硬实的煄鱼。 至于香煎素鹅内里有冬菇，外皮煎得香脆而不油腻。金黄蟹粉小笼包小笼包包皮很薄，一咬肉汁四溢还带有阵阵蟹黄甘香。金汤馄饨馄饨皮很滑，内馅有蟹黄和猪肉，甘香味鲜美。金汤有紫菜 、蟹肉，蛋皮，特别又好味道。砂锅津白材料很多，与一般砂锅津白不同，除肉丸外， 仲有猪肚、鲩鱼、蛋饺……等，汤底非常浓郁。雪菜肉丝炒年糕软滑年糕俾浓浓酱汁包裹，加上炒得入味的雪菜和肉丝，非常惹味。这个午餐，令我和妈咪都非常满足。