一番 (已結業)

食嘢除咗要好味之外仲要啲乜呢？ 我觉得就系 service， 我冇话环境唔重要只系不过香港寸金尺土 装修费又贵, 所以呢我觉得 service 系好重要嘅， 咁我又冇讲过话要人哋鞠躬，洗死人𠮶种， 我只系要求侍应生唔好黑面， 唔好话叫都唔应咁就得啦。新年过后的某一日，父母带咗我同家姐嚟呢度食日本餐， 咁我哋如常咁嗌咗啲寿司之类嘅嘢啦， 父母就叫佐支清酒饮， 我哋主要系嗌咗啲三文鱼寿司谢，海胆军舰， 同埋一啲刺身咁啦， 其实啲味道都唔错嘅， 啲寿司够醋味而且又唔容易散开， 而且呢度啲鱼系长个寿司饭好多嘅， 所有嘢我都觉得唔错而且几好味。只不过系落单嘅时候，我曾经嗌咗大鳗鱼寿司，就系咁样就出事啦，呢个寿司好耐都未嚟， 咁我就问侍应点解咁耐都未嚟呢， 我阿爸几番追问之下，个侍应生就话，因为系个后生女嗌嘅，所以就以为唔系真系要点嘅单，我真系火都嚟埋， 喂！ 我系中学生，唔系幼稚园生呀！ 我点单你当我发噏风呀， 我真系唔知呢啲系乜嘢道理啰 ！？ 到最后 ，当然𠮶件大鳗鱼寿司都嚟咗， 味道系好味呀不过都大打折扣啦，心情都影响晒。 我觉得 service 好有问题。