聚Chill

营业中

休息中

见门外啲意粉相好吸引，谂住都系啲只供参考求其食啦，点知……又系一眼睇哂嘅舖面，7张二人枱。门口几块透明胶布叫做hold住舖内唔系几够冻嘅冷气，所以见隔离街坊都吹住自备风扇仔堂食。墙上挂咗好多较boyish装饰，搏击会、死侍之类电影海报。坐得系唔舒服，有椅背靠墙梳化位只得4个，其余汽水盖面嘅凳自问臀部过大会随时坐跌。惊喜就嚟——仅盛惠$50嘅「日式照烧汁蚬肉意粉伴蟹籽」，啲蟹籽份量多嘅程度系日式超市买嘅十几廿蚊现成蟹籽咁上下！而且蟹籽好有光泽唔系某啲外卖寿司店放咗几日哑咗色嘅质素。用叉翻一翻，蚬肉虽然拇指指甲咁上下大，但数量不少，用嘅鲣鱼味日式烧汁炒得好湿润好够味。「招牌黑松露卡邦尼意粉」又系坦荡荡一大匙黑松露酱喺面，烟肉条密集，又系收$50碟用料量继续重锤。白汁底调较得好奶香，质素不输装潢靓舖收一百蚊碟仲要加一嘅意粉。😋😋梳打系列丰俭由人，如唔要水果肉就跟餐$12杯，要果肉就正价$20。