八月居 (海港城) (已結業)

八月居系开咗好耐，但系第一次黎食。 环境装修靓，坐得舒服，宽敞。但服务令人意外的普通，明显楼面人手不足。叫张bb櫈，要自己搬走原本既櫈去换张bb櫈，因坐既系2张4方枱喺一个corner，个位系要抬张櫈入去埋边,要客自己搬，喺海港城，系预计唔到。点心烧味方面，都有著高质素，烧鹅价钱实惠，皮脆，肉仲系暖的。 叉烧就半肥瘦，有咬口，2款都值得推介。其他点心都正常水平的味道，系咖哩鱿鱼个汁略为杰了点。但点了咁多野食，只系人均150，喺海港城算系平。