茶語

营业中

休息中

今日去大埔探朋友，经佢介绍就尼左茶语食晚饭，佢铺面细细咁啱系晚饭时间加上系星期六所以都要等一阵先有位入座。入到去店员冇好似一般餐厅咁摆上两杯水，因为饮用清水系自助型式咁，餐厅有提供干净水杯。咁我同我朋友就分别叫左盐焗鸡丝肉燥饭同埋酥炸猪扒米线，而且跟主食追加小食有平，所以我哋都加多份青瓜并云耳。首先肉燥饭一送到嚟，即刻感受到佢嘅份量，满满的。盐焗鸡应该系用鸡扒嚟整所以冇骨而且啖啖肉味道仲好好味，而肉燥都好惹味捞饭食一流，不过啲饭就可能系新鲜蒸起仲未收水有啲湿。另外米线份量都唔少，汤底味道几好加少少辣仲好味。老板娘知道我哋钟意食辣仲俾我地试佢地啲秘制辣椒油，一只系麻辣，一只系普通辣椒油，各有特色。讲返块猪扒酥脆可口，如果大块啲就好啦而小食青瓜云耳都大大份几青爽，虽然系凉食，但系冇果种岩岩雪柜拎出嚟冬冰冰嘅感觉。最后系餐饭，两杯都跟餐叫蜂蜜芦荟同珍珠奶绿，好彩有钱转蜂蜜芦荟食完辣椒油饮一啖乜辣都解，而奶绿就好重绿茶味。总括嚟讲，依家餐厅好适合一家大细嚟食，而且又唔贵。