Ms B's Cakery (已結業)

生日周继续，同事买了出名的彩虹旦糕黑白版！ 个包装真系好鬼靓，个盒打开完全系啱晒女仔既蝴蝶and粉蓝色！跟旦糕支蜡蠋系金色既，果然系注重包装！饼店姐姐话旦糕啱啱雪柜取出，要室温放两小时才能品尝最佳味道，咁我地即管放佢一粒钟先食！等左一粒钟后，满心惊喜地切旦糕，食落其实又唔系好特别！我已经算喜欢椰丝，但系都唔算觉得好好味！个旦糕入面唔算甜，个质感算系界乎软软地硬硬地之间，唔识点形容！最好食反而系个朱古力底，好香同好浓！我估佢既朱古力旦糕应该几好味！上网check返原来佢所有材料原装外国进口，同埋佢系用代糖同no gluten！可能咁所以多人买啦！但个人认为性价比不太出色！