影片
更多
2015-02-02
5288 浏览
两只马骝游完早水，大叫肚饿，中午时间，想揾间好坐嘅，妈咪钟意食上海菜，见呢间口碑唔错，上到去门口，无订位，被安排坐近门口4人枱，中式酒楼格局，装修简洁，午市都有啲优惠套餐或特价菜色，见其中一个四人餐几抵食，食物选择都多，所以就拣呢个！落单之后食物超快来齐！枱面有紫菜花生，好香口好味！两只马骝抢住食！午市超值自选四人套餐（$268）乌笋拌木耳--醋汁酸酸地，但唔够入味，木耳好大块爽口，咬落只有外面有味，中间仲系淡茂茂，好明显一捞好无放过就上碟，我要等耐啲，仲要由底食，先至好点，讲真自己平时都有腌云耳食！咁简单嘅凉拌菜色都无心做！失望！乌笋爽甜！（我见大多数用莴笋呢个名）唔要醋味都好味，只系比几件！鸡丝粉皮：欣赏自己落麻酱（因为自己唔太喜欢麻酱味）鸡丝比较嚡，青瓜丝爽口，水晶粉皮烟韧！正常！干煸四季豆：味道够但啲四季豆外皮过熟，淋晒，一啲𡁻口都无！差！招牌炒拉面：呢个叫得招牌，味道唔错，拉面弹牙，配甜酱油炒，配料有青椒、河虾、芽菜！河虾爽口比较淡，蔬菜爽口！餐汤--冬瓜蓉羹：足料，冬瓜蓉好多，汤底清但比较淡，无乜味，好似落唔够盐，少许金华火腿碎！一般！苹果茶：热饮，偏甜，苹果味清新唔假！蕃
两只马骝游完早水，大叫肚饿，中午时间，想揾间好坐嘅，妈咪钟意食上海菜，见呢间口碑唔错，上到去门口，无订位，被安排坐近门口4人枱，中式酒楼格局，装修简洁，午市都有啲优惠套餐或特价菜色，见其中一个四人餐几抵食，食物选择都多，所以就拣呢个！落单之后食物超快来齐！
枱面有紫菜花生，好香口好味！两只马骝抢住食！
午市超值自选四人套餐（$268）
乌笋拌木耳--醋汁酸酸地，但唔够入味，木耳好大块爽口，咬落只有外面有味，中间仲系淡茂茂，好明显一捞好无放过就上碟，我要等耐啲，仲要由底食，先至好点，讲真自己平时都有腌云耳食！咁简单嘅凉拌菜色都无心做！失望！乌笋爽甜！（我见大多数用莴笋呢个名）唔要醋味都好味，只系比几件！
鸡丝粉皮：欣赏自己落麻酱（因为自己唔太喜欢麻酱味）鸡丝比较嚡，青瓜丝爽口，水晶粉皮烟韧！正常！
干煸四季豆：味道够但啲四季豆外皮过熟，淋晒，一啲𡁻口都无！差！
招牌炒拉面：呢个叫得招牌，味道唔错，拉面弹牙，配甜酱油炒，配料有青椒、河虾、芽菜！河虾爽口比较淡，蔬菜爽口！
餐汤--冬瓜蓉羹：足料，冬瓜蓉好多，汤底清但比较淡，无乜味，好似落唔够盐，少许金华火腿碎！一般！
苹果茶：热饮，偏甜，苹果味清新唔假！
蕃薯糖水：黄糖水过甜，盖过晒蕃薯味，蕃薯入晒糖水，淋身之外，只有甜！
南翔小笼包（特价）（$30）：一笼四粒，上海菜馆有保证（如果连小笼包都难食，唔使做）外皮无穿，汤汁好多，热到辣咀！馅料半肥瘦！软滑好味！食物一般，套餐份量丰富，一定够饱，店员有礼勤快，对小朋友好好！厕所在店外，干净企理，设备齐全！
好坐但味道一般嘅一餐！
张贴
