新蒸武門 (已結業)

是日朋友带路食好西，又系观塘工厂区。今次呢间食店好隐蔽，唔系朋友带路都差d揾唔到。放工时间，电梯大堂非常多人，好彩食店在一楼，只系需要行一层楼梯。入到餐厅内同餐厅外系两番景象，餐厅内红色为主，颇有格调，感觉几温馨。一入到去，店员就非常热情，带我地坐低后奉上一人一杯八宝茶，好窝心！Menu好简单，分成菜、肉、海鲜、冷盘四大类。而晚市会有2-4人套餐，每人$200有找，内容都好丰富，比散叫起码平三分一架！我地两个叫左一个2人套餐，已经有齐三式头盘、汤、虾、鸡、鱼、菜同炒饭。炖汤足料够火候，好清润。原盅上，热辣辣，好有诚意。冷盘当中最惊喜系冰镇鲍鱼，大厨独特既制作方法，令到鲍鱼肉质爽口又有弹性。仲有少少酒味，口感同味道都一流。干烧明虾好香口，预先炸过令到外壳好脆，可以食埋。而虾肉都好新鲜，好够惹味。蒸头腩系当晚另一个惊喜位，班头腩好滑无骨。大厨火候控制劲佳，鱼肉刚刚好熟。配少少药材调味，好清香。笼底仲有粉丝，软绵绵吸哂所有精华，食到停唔到口啊！最后既蒸鸡、炒菜心同炒饭无咩特别，但无论用料同调味都好唔错。清清淡淡，家常便饭既感觉。丰富但又唔重口味，合理既价钱，店主拿捏得好好。去开观塘，有时间又